باشار اساد كۇشتەرى ءيدليبتى تولىق باسىپ الۋعا ارەكەتتەنۋدە

ءسۇريانىڭ ۇكىمەت كۇشتەرى كوتەرىلىسشىلەر باقىلاۋىنداعى ايماقتاردى قايتارىپ الۋ ءۇشىن ەلدىڭ سولتۇستىك-باتىسىنداعى يدليب پەن حالەپتەگى وپەراتسياسىن جالعاستىرىپ جاتىر. وتكەن اپتادا ءسۇريا ارمياسىنىڭ اتالعان ايماقتاعى شابۋىلدارىنان بىرنەشە تۇرىك اسكەرى كوز جۇمعان. انكارا داماسك بيلىگىنىڭ بۇل شابۋىلدارىنا قاتاڭ ەسكەرتۋ بەرگەن ەدى.

سۇرياداعى جەرگىلىكتى اقپارات كوزدەرى تاراتقان مالىمەتكە قاراعاندا، پرەزيدەنتى باشار ءال-اسسادقا قاراستى كۇشتەر يدليب پروۆينتسياسىنداعى شەكۋن قالاسى ماڭىنداعى بىرنەشە اۋىلدى باسىپ العان. وعان قوسا الەپپونىڭ سولتۇستىك-باسىنداعى بىرنەشە ەلدى مەكەندى باقىلاۋىنا العان. بۇل ەلدى مەكەندەردى ءسۇريانىڭ كوتەرىلىسشى كۇشتەرى 8 جىلدان اسا ۋاقىت ءوز باقىلاۋىندا ۇستاپ تۇرعان ەدى.

ءسۇريا ۇكىمەتىنە قاراستى اقپارات قۇرالدارى رەجيم كۇشتەرىنىڭ بولشەكتەۋشى قارۋلى توپتار مەن تەررورلىق ۇيىمدارعا قارسى كۇرەسى قارقىندى ءجۇرىپ جاتقانىن، كوپ وتپەي ءوڭىردى تولىق باقىلاۋىنا الاتىنىن ايتقان. بۇل وڭىردەگى داعدارىستى جاعدايدىڭ ءالى دە ۋشىعا تۇسەتىنىن اڭعارتادى. سەبەبى، يدليب جەرىندە يران قولداۋىنداعى جانە تۇركيا قولداۋىنداعى قارۋلى توپتار بار، وعان قوسا ەلدىڭ وزگە وڭىرلەرىنەن كەلگەن 3-4 ملن شاماسىنداعى بوسقىندار دا پانالاعان.

“The Qazaq Times”