قىتايدا تاراپ جاتقان جاڭا ۆيرۋستىڭ قاۋىپتى 2002-2003 جىلدارى تاراعان SARS كوروناۆيرۋسىنان دا اسىپ ءتۇستى. ۆيرۋستىڭ تارالۋ وشاعى بولعان حۋبەي پروۆينتسياسىنىڭ وزىنەن 780 ادام كوز جۇمعان. رەسمي مالىمەتتەرگە قاراعاندا قىتايدا ۆيرۋستان كوز جۇمعاندار سانى 800 ادامنان اسىپ كەتكەن.

SARS ۆيرۋسى تاراعان كەزدە رەسمي مالىمەتتەردە 722 ەكى ادام قازا بولعانى ايتىلعان ەدى. قازىر قىتايدا ۆيرۋس جۇقتىرعان ادامدار سانى 35 مىڭعا جۋىقتاعان. حۋبەي پروۆينتسياسىنىڭ اكىمشىلىگى حابار تاراتىپ سول ايماقتاعى مەكتەپتەر كەمىندە ناۋرىزعا دەيىن جابىق بولاتىنىن ەسكەرتۋدە.

دۇنيەجۇزىلىك دەنساۋلىق ساقتاۋ ۇيىمى قاڭتار ايىندا ىندەتكە بايلانىستى حالىقارالىق توتەنشە جاعداي جاريالاعان بولاتىن. اتالعان ۇيىمنىڭ جەتەكشىسى تەدروس ادحان گەبرەيەسۋستىڭ مالىمدەۋىنشە سوڭعى ءتورت كۇن ىشىندە ىندەت جۇقتىرعانداردىڭ جاعدايى تۇراقتالا باستاعان. الايدا، بۇل قاۋىپتى ىندەتتىڭ جاقسارعانىن بىلدىرمەيدى دەگەن.

قىتايعا ىرگەلەس بىرقاتار ەلدەردە دە جاعداي كۇن سايىن اۋىرلاي تۇسۋدە. جاپونيا دا وتكەن اپتانىڭ سوڭىندا ۆيرۋس جۇقتىرعاندار سانى 96 ادامعا جەتكەن. بۇعان قوسا تايلاند، فيليپپين، سينگاپۋر جانە گونكونگتا دا ۆيرۋسقا شالدىققاندار سانى ارتتى.

“The Qazaq Times”