سارسەنبى كۇنى اقش-تىڭ 35 كونگرەسسمەنى ادىلەت دەپارتامەنتىنە بىرلەسكەن حات جولداعان. حاتتا ولار قىتايدىڭ China Daily رەسمي باسىلىمى اقش-تىڭ «شەتەلدىك اقپارات قۇرالدارىن تىركەۋ تۋرالى زاڭىن» (FARA) بۇزدى دەپ ايىپتاپ، اتالعان باسىلىمعا قاتىستى تەرگەۋ جۇرگىزۋدى تالاپ ەتكەن.
شاعىمدانۋشىلاردىڭ ايتۋىنشا، China Daily 2012 جىلعا دەيىن وزگە باسىلىمداردىڭ جارناما ورىندارىن ساتىپ الۋ تۋرالى اقش ادىلەت مينيسترلىگىنە ەشقانداي ەسەپ بەرمەگەن، سونداي-اق، بۇل قىتايلىق باسىلىم China Watch جارنامالارىنا قاتىستى قارجىلىق ەسەپتەر تۋرالى مالىمەتتەردى جاسىرعان.
China Daily اقش-تا 1983 جىلى شەتەلدىك اقپاراتتىق اگەنتتىك رەتىندە تىركەلگەن. اقش-تىڭ «شەتەلدىك اقپارات قۇرالدارىن تىركەۋ تۋرالى زاڭى» (FARA) شەتەلدىك اقپارات اگەنتتىكتەرىنەن «ەكى نەمەسە ودان دا كوپ ادام جۇكتەگەن» جارنامالىق ماتەريالداردىڭ كوشىرمەلەرىن ادىلەت مينيسترلىگىنە ۇسىنۋدى، سونىمەن بىرگە، قارجىلىق شىعىندارى تۋرالى ەسەپتى ەكى جىلدا ءبىر رەت كورسەتىپ وتىرۋدى تالاپ ەتەدى.
سوڭعى 30 جىل ىشىندە China Daily اقش-تىڭ بىرقاتار ءىرى باسىلىمدارىندا جارنامالىق بولىمدەردى ساتىپ الىپ، ءوزىنىڭ جاڭالىقتار ماقالالارىنا ۇقسايتىن «China Watch» ماقالالارىن جاريالاپ وتىرعان.
«China Daily - بۇل قىتاي كوممۋنيستىك پارتياسى رەجيمنىڭ جالعاسىپ جاتقان زۇلىمدىقتارىن جاسىرۋ ءۇشىن پايدالاناتىن جەكسۇرىن ۇگىت-ناسيحات قۇرالى»، - دەدى دجيم بەنكس، بىرلەسكەن حاتتى ۇيىمداستىرۋشى جانە ينديانا شتاتىنىڭ رەسپۋبليكاشىلى. شاعىمدانۋشى كونگرەسسمەندەر ادىلەت دەپارتامەنتىنەن China Daily-دىڭ FARA ەرەجەلەرىن بۇزۋى ونىڭ ەكونوميكالىق، قۇقىقتىق سالدارى تۋرالى انىقتاۋدى تالاپ ەتتى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى