بىلتىر جەلتوقساندا الماتى اۋەجايىندا اپاتقا ۇشىراعان Bek Air ۇشاعىنىڭ ەكىنشى پيلوتى مەيىرجان مولداقۇلوۆ قايتىس بولدى.

الماتى قالاسى اكىمدىگىنىڭ ءباسپاسوز قىزمەتىنىڭ حابارلاۋىنشا،  اۋرۋحانادان شىعارىلعان 54 جاستاعى مولداقۇلوۆ ۇيىندە دۇنيە سالعان.

ۇشقىشتىڭ 5 قاڭتاردا ەس جيىپ، جانساقتاۋ بولىمىنەن پروفيلدىك بولىمشەگە اۋىستىرىلعانى حابارلانعان. ول اۋرۋحانادان 21 قاڭتاردا شىعارىلعان ەدى. قالالىق دەنساۋلىق ساقتاۋ باسقارماسىنىڭ مالىمەتىنە قاراعاندا، 28 قاڭتار كەشكى 18.00-دە جەدەل جاردەمگە مولداقۇلوۆتىڭ جاعدايى ناشارلاعانى جايلى شاقىرتۋ تۇسكەن. جەدەل جاردەم دارىگەرلەرى ناۋقاستىڭ جۇرەك قاعىسىن قالپىنا كەلتىرۋگە تىرىسقانىمەن اجالدان اراشالاي المادى.

"The Qazaq Times"