گەرمانيانىڭ اسكەري ۇشاعى. فوتو: RT.com.

قىتايداعى جاڭا كوروناۆيرۋستىڭ ەپيدەميالىق جاعدايى ۋشىعىپ بارادى. ۆيرۋستىڭ پايدا بولعان وشاعى رەتىندە ۋحان قالاسىندا تولىقتاي كارانتين ورناتىلىپ، قالادان شىعۋعا جانە قالاعا كىرۋگە شەكتەۋ قويىلعان. وسىنداي جاعدايدا گەرمانيا ۋحان قالاسىنداعى ءوز ازاماتتارىن ەۆاكۋاتسيالاۋ ءۇشىن اسكەري ۇشاقتار جىبەرگەن.

گەرمانيانىڭ «شپيگەل» باسىلىمى كەشەگى حابارىندا، ەلدىڭ اسكەري-اۋە كۇشتەرى ۋحان قالاسىنداعى نەمىس ازاماتتارىن ەلگە قايتارۋ ءۇشىن سارسەنبى نەمەسە بەيسەنبى كۇنى قىتايعا ۇشۋعا دايىندالىپ جاتقانىن مالىمدەدى.

گەرمانيا ءسىم باسشىسى مارس تا دۇيسەنبى كۇنى وتكەن ءباسپاسوز جيىنىندا اتالعان مالىمەتتى راستادى جانە ەل ازاماتتارىن ۋاقىتشا قىتايعا ساپارلارىن توقتاتۋعا شاقىرعان.

قىتايدىڭ رەسمي ورگاندارى تاراتقان سوڭعى مالىمەتتەرگە قاراعاندا، كوروناۆيرۋسقا شالدىققاندار سانى 3 مىڭنان استى جانە 106 ادام كوز جۇمعان. قىتايدىڭ ۇلتتىق دەنساۋلىق ساقتاۋ كوميتەتىنىڭ مالىمەتىنە قاراعاندا جاڭا كوروناۆيرۋستىڭ تارالۋ دەڭگەيى بارعان سايىن كۇشەيىپ كەلە جاتقانى ايتىلادى. جاڭا ۆيرۋس قىتايدىڭ تيبەت اۆتونوميالى ايماعىنان تىس بارلىق پروۆينتسيالارى مەن اۆتونوميالى رەگيوندارعا تارالدى جانە قىتايدان باسقا 10-نان استام ەلگە تارالعان.

“The Qazaq Times”