اق ءۇيدىڭ رەسمي وكىلى ترامپ پەن رەسەي اراسىنداعى قارىم-قاتىناس تۋرالى سۇراقتان بۇلتاردى

اقش جەرگىلىكتى ۋاقىتى 28 ناۋرىز اق ءۇي ءباسپاسوز حاتشىسى سپايسەر كەزەكتى جۋرناليستەردى قابىلداعاندا، ءباسپاسوز ءماسليحاتىنا قاتىسقان جۋرناليستەر اقش-رەسەي قارىم-قاتىناسى تۋرالى سۇراقتاردى جاۋدىردى. الايدا، جۋرناليستەر اق ءۇيدىڭ رەسمي وكىلىنەن جارىتىپ جاۋاپ الا المادى. بۇل تۋرالى «شينلاڭ» اقپاراتتىق اگەنتتىگىنىڭ رەسمي سايتىندا جاريالانعان بولاتىن.

رەسەيلىك «ريا نوۆوستي» اقپاراتىنىڭ سول كۇنگى ءباسپاسوز جيىنى تۋرالى حابارىندا، اقش پەن رەسەي قارىم-قاتىناسى تۋرالى ءسوز باستاپ: « ترامپ ۇكىمەتىنىڭ بيلىكتى قولىنا العالى ەكى ايدان استى، ەستۋگە قارعاندا وسىعان دەيىن رەسەيمەن ارادا ءبىر قاتار وقيعالار بولىپتى. ال بۇنىڭ ...»، – دەي بەرگەن امەريكالىق ءجۋرناليستىڭ ءسوزىن سپايسەر كۇتپەگەن جەردەن ءبولىپ جىبەرىپ، بىردەن: «ونداي ىستەر بولعان جوق»، – دەپ ءۇزىلدى-كەسىلدى جاۋاپ بەرگەن. وسىدان كەيىن ءسوزىن ارى قاراي جالعاماق بولعان ءجۋرناليستىڭ ءسوزىن ەكىنشى مارتە بۇزعان سپايسەر: «ترامپ كومانداسى مەن رەسەي اراسىندا مۇنداي ىستەر بولعان جوق»، – دەگەن ءسوزىن قايتالاعان. بۇدان سوڭ داۋدى تاقىرىپتى باستاۋشى جۋرناليست پەن اق ءۇي وكىلىنىڭ اراسىندا ءسوز تالاسۋ تۋىلعان. كەزەگىندە باسقا سۇراقتاردى دا قويماقشى بولعان بۇل جۋرناليست، اق ءۇي وكىلى جاعىنان قايتا-قايتا تويتارىسقا ۇشىراعان.

سپايسەر جۋرناليستكە: «ەگەر ءسىز ترامپ ۇكىمەتى مەن رەسەي اراسىنداعى قارىم-قاتىناس اسپەكتىلەرى تۋرالى جاۋاپ الماقشى بولساڭىز، كەلەسى ءباسپاسوز كونفەرەنتسياسىن كۇتىڭىز، نەمەسە بۇعان جول بەرىلمەيدى، – دەي كەلىپ، اقش پرەزيدەنتى بارلىق ىنتىماقتاستىق قارىم-قاتىناسقا ۇمتىلادى»، – ءسوزىن سىپايى جاۋىپ قويا سالعان.

بۇل داۋدىڭ تۋىنا وسىدان بۇرىنعى بىرنەشە امەريكالىق باسپاسوزدەردى ترامپ پەن رەسەي اراسىنداعى بايلانىس، ول سايلاۋدا جەڭۋدەن بۇرىن قالىپتاسقان، اقش سەناتى مەن وكىلدەر پالاتاسى، ورتالىق بارلاۋ كوميتەتى قاتىستى تەكسەرۋدى باستاپ وتىر دەگەن سوزدەردى جاريالاۋى سەبەپ بولعان ەدى. رەسەي جاعى بۇل بولجامداردى نەگىزسىز دەپ كورسەتكەن. ال، جۋرناليستەردىڭ قارشا بوراعان سۇراقتارىنا اق ءۇي دالەلدى جاۋاپ بەرۋگە شاراسىز وتىر.

“The Qazaq Times”