تەحنيكالىق تەكسەرىس كەزىندە ەكى ءىرى اپاتتان كەيىن ۇشۋى توقتاتىلعان Boeing 737 MAX لاينەرىنىڭ باعدارلامالىق جۇيەسىنەن تاعى دا اقاۋ شىقتى.

Times تاراتقان مالىمەتكە قاراعاندا، بورتتاعى 2 كومپيۋتەر ءبىر-بىرىمەن بايلانىس ورناتا الماعان. بۇل اتالعان ۇشاقتان تابىلعان العاشقى اقاۋ ەمەس. بۇعان دەيىن ماماندار لاينەردەگى ەكى توقتىڭ ءوزارا جاقىن ورنالاسۋىنان شيكىلىك تاپقان بولاتىن.

بىلتىر 10 ناۋرىزدا دەبرە-زەيت قالاسى ماڭىندا «Ethiopian Airlines» كومپانياسىنا تيەسىلى «Boeing 737 Max» ۇشاعى اپاتقا ۇشىراپ، سالدارىنان 157 ادام كوز جۇمعان بولاتىن. 2018 جىلى قازاندا يندونەزيادا تاپ وسى مودەلدى لاينەر قۇلاپ، 189 جولاۋشى قازا تاپقان ەدى. اراعا ساناۋلى كۇندەر سالىپ، امەريكانىڭ دجەكسونۆيلل قالاسىنداعى وزەنگە Boeing 737 جولاۋشىلار ۇشاعى قۇلادى. وسى وقيعادان كەيىن ۇلىبريتانيا مەن فرانتسيا ۇشاقتان باس تارتسا، مالايزيا، اۆستراليا، يندونەزيا، قىتاي مەن سينگاپۋر بيلىگى اۋە كەمەسىن بۇدان بىلاي ساپارعا شىعارمايتىن بولدى. سونىمەن قاتار، جاقىندا ۋفا قالاسىندا ءدال وسى Boeing 737 NG ۇشاعى كوككە كوتەرىلمەي قالعان. بورتىندا 123 جولاۋشىسى بولعان اۋە كەمەسى ەندى ۇشۋعا تالپىنعاندا، قانات تۇسىندا دابىل قاققىش ىسكە قوسىلعان.

"The Qazaq Times"