بۇگىن قىتاي باسشىسى شي جينپيڭ (سي تسزينپين/Xi Jinping) ميانماعا رەسمي ساپارمەن بارادى. ول كەزەكتى ساپارىندا ميانمادا اۋقىمدى ينفراقۇرىلىمدىق جوبالاردى سالۋ تۋرالى كەلىسىمگە كەلۋ جانە «ءبىر بەلدەۋ، ءبىر جول» جوباسى بويىنشا كەلىسىمدى تولىق اياقتاۋ دەلىنگەن.

ميانما ۇكىمەتى ەلىندەگى روحيندجا مۇسىلماندارىنا گەنوتسيد جاسادى دەپ ايىپتالعاننان كەيىن، باتىس ەلدەرىمەن قارىم-قاتىناسى ناشارلاعانى بەلگىلى. بۇل ورايدا قىتاي ميانمامەن قارىم-قاتىناسىن دامىتىپ، وڭىردەگى ىقپالىن كەڭەيتە تۇسۋگە بارىنشا كۇش سالاتىنى بەلگىلى. «رەيتەر» اگەنتتىگى قىتاي ۇكىمەتىندەگى دەرەككوزدەرىنە سۇيەنە وتىرىپ، قىتاي باسشىسىنىڭ 2020 جىلى وڭتۇستىك شىعىس ازياداعى بىرنەشە ەلگە مەملەكەتتىك ساپاردى جوسپارلاپ وتىرعانىن جازدى. سونىڭ العاشقىسى ميانمادان باستالدى جانە وسى ەلدە قۇنى ميلليارد دوللار كولەمىندەگى ينفراقۇرىلىمدىق جوبانى قايتا جانداندىرماق.

قىتاي باسشىسى كەزەكتى ساپارىندا ميانمانىڭ پارتيا، ۇكىمەت جەتەكشىلەرى جانە قورعانىس كۇشتەرىنىڭ جەتەكشىلەرىمەن كەزدەسەدى دەپ كۇتىلۋدە. دەگەنمەن، شەتەلدىك باق كوپتەگەن ميانما ازاماتتارىنىڭ قىتايدىڭ ماڭىنداعى شاعىن ەلدەرگە توندىرەتىن قاۋپىنەن الاڭدايتىنىن جازۋدا. سۇيتە تۇرا، قىتاي مەن ميانما قاتىناسى 700 مىڭنان استام روحينجا مۇسىلماندارىنا قىرعىنشىلىق جۇرگىزگەننەن كەيىن دامي تۇسكەنىنە نازار اۋدارادى

“The Qazaq Times”