استاناداعى باسپاناسىز وتباسىنىڭ يرونياسى: «مەن ەرەكشە ەلدە تۋدىم»

استانا اكىمدىگىنىڭ الدىنا 9 قاڭتار ساعات 11:00 شاماسىندا استانالىق سۋرەتشى اسحات احمەدياروۆ ارقاسىنا شەنەۋنىك ۇلگىسىندەگى كوستيۋمنىڭ وڭ جاعىن كيىپ،  ەلوردا ءماسليحات ىعيماراتىنىڭ الدىنا كەلگەن. بەلسەندىنىڭ پەرفورمانسى الەۋمەتتىك جەلى مەن ينتەرنەت سايتتارىندا تارالىپ جاتىر. 

ول قولىنا «مەن ەرەكشە ەلدە تۋىلدىم (تۋدىم – رەد.)» دەگەن جازۋى بار 14 جاستاعى مۇگەدەكتىگى تانىلعان ايدا ابدىجاپپاروۆامەن بىرگە شىقتى. ايدا – بەلگىلى قۇقىق قورعاۋشى، ادۆوكات بولاتبەك ءبىلالوۆ پەن اقمارال ءبىلالوۆانىڭ قىزى. ءبىلالوۆتار وتباسىنىڭ جاقىن تانىسى «كرەاتيۆتى قارسىلىق اكتسياسىن» وتكىزۋگە ءماجبۇر ەكەنىن ايتادى.

– يرونيا مانىندەگى اكتسيانىڭ يدەياسى – بىلتىر جىل باسىندا بەس ءسابيدىڭ قازاسىنان كەيىن بيلىك ماسەلەنى شەشۋگە تىرىستى، بىراق مۇگەدەكتەردىڭ جاعدايىنا كەلگەندە ءوزىن ساۋداگەر سياقتى ۇستايدى. تەرىس قاراپ تۇرىپ سويلەسەدى، حالىقتىڭ مۇشكىل حالىنە مويىن بۇرعىسى كەلمەيدى، – دەدى ول بىزگە.

13 جىلدان بەرى باسپانا ماسەلەسىنەن ابدەن قاجىعان بىلالوۆتەر وتباسى. فوتو: facebook جەلىسىنەن

ءۇش پەرزەنت، سونىڭ ىشىندە تۋعانىنان بەرى مۇگەدەك قىز تاربيەلەپ وتىرعان بىلالوۆتەر ءالى كۇنگە دەيىن باسپاناسىز. 13 جىل بويى پاتەر كەزەگىندە تۇرعان قيىن جاعدايداعى وتباسىنىڭ بارماعان، تابالدىرىعىن توزدىرماعان مەكەمەسى جوق. اكتسيانى ۇيىمداستىرۋشى:

– مەنى ونەر ادامى، سۋرەتشى رەتىندە الەۋمەتتىك قۇقىعىنان قاعىلعان بالانىڭ جاعدايى قاتتى الاڭداتادى. ايدا ەكەۋمىز سال اۋرۋىمەن اۋىراتىن بالاسى بار الەۋمەتتىك ءالجۋاز وتباسى مەن استانا اكىمدىگىنىڭ ديالوگىنا قوعام نازارىن اۋدارتۋ ءۇشىن وسىنداي پروتەسكە باردىق. حالقىنا سىرتىن بەرىپ تۇرىپ قوعامدىق ديالوگ ورناتۋعا تىرىساتىن «ەرەكشە» ەلىمىزدىڭ بيلىگى وڭ شەشىم شىعارعان كۇنى سپەكتاكلدىڭ سوڭىندا كوستيۋمىمدى وڭىنا قاراتىپ، دۇرىس كيىنىپ كەلەمىن، – دەيدى احمەدياروۆ.

استانا اكىمدىگىنىڭ الدىندا وتكەن «مەن ەرەكشە ەلدە تۋدىم» يرونيالىق اكتسياسى. فوتو: اسحات احمەدياروۆ

بەلسەندى سۋرەتشىنىڭ سوزىنە قاراعاندا، پوليتسيا ولاردى ۇستاماعان ءارى اكىم كەڭەسشىسى «اتالعان ساناتتاعى ازاماتتارعا تۇرعىن ءۇي سالىناتىنى تۋرالى ۋادەمەن» شىعارىپ سالعان.

"The Qazaq Times"