دۋبايدا مەملەكەتتىك قىزمەتكەرلەردىڭ جۇمىسىن روبوتتار اتقارماق

دۋبايداعى جاساندى ينتەللەكت زەرتحاناسىندا جەكە سەكتورداعى جانە  مەملەكەتتىك قىزمەتتەگى ادامداردىڭ  جۇمىسىن ارنايى روبوتتار اتقاراتىن بولادى دەپ حابارلايدى Khaleej Times. 

زەرتحانا 27 ناۋرىزدا اشىلعان بولاتىن، ال ءساۋىر ايىنان باستاپ 200 قىزمەتكەر ارنايى دايىندىق جۇمىستارىنا كىرىسپەك. سونىمەن قاتار، زەرتحانا عالىمدارعا، ستۋدەنتتەرگە جانە باسقا دا قىزىعۋشىلىق تانىتقاندارعا دا بىرلەسە جۇمىس جاساۋعا مۇمكىندىك بەرىپ وتىر.

Smart Dubai Office زەرتحاناسىنىڭ باس مامانى  ايشا بين بۋتتي بين بيشر: ء"بىز بولاشاققا قادام باسۋ ءۇشىن، باسشىلىقتىڭ، ساياساتكەرلەردىڭ جۇمىسىن ءجىتى باقىلاپ، جاساندى ينتەللەكتىنى كەلتىرىلگەن جۇيەگە ساي قىزمەتكە ەنگىزۋىمىز قاجەت. ال بۇل تەحنالوگيانى ەنگىزۋدەن باسقا امالىمىز قالمادى. وسى جۇيەنىڭ ارقاسىندا بايلانىس ورتالىعىنداعى قىزمەتكەرلەردى، اتا-انالارعا بالالارى ءۇشىن جاقسى مەكتەپ تاڭداۋعا كومەك كورسەتە الاتىنداي تانىمدىق تەحنالوگيالاردى ەنگىزە وتىرىپ، قىزمەتكەرلەردىڭ جۇمىسىن جەڭىلدەتىپ جانە باسقا دا زاڭبۇزۋشىلىقتاردىڭ الدىن الۋعا مۇمكىندىك تۋىپ وتىر".

«The Qazaq Times»