اتاۋلى الەۋمەتتىك كومەك تاعايىندالعاندا وعان ءوتىنىش بەرگەن ادام ءوز تابىسىن جاسىرسا، مەملەكەتتىك جاردەماقى زاڭسىز تاعايىندالعان بولىپ سانالادى جانە اقشا مەملەكەتكە قايتارىلۋى ءتيىس. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ مالىمدەدى.
زاڭسىز الىنعان قارجىنى مەملەكەتكە قايتارۋدان باس تارتسا، تيەسىلى سوما سوت ارقىلى وندىرىلەدى. نۇرىمبەتوۆ سوزىندە: «ون بەس وبلىسقا بارىپ كەلدىم. ەشكىم اقشانى قايتارۋدان باس تارتىپ جاتقان جوق، ياعني، اقشانى سوت ارقىلى تولەتۋگە ەشقانداي نەگىز جوق. كەستە جاساپ، 3-4 مىڭ تەڭگەدەن ءبىر-ەكى جىل قايتارسىن. سەبەبى اتاۋلى الەۋمەتتىك كومەككە جۇگىنگەن ادامنىڭ ونى قايتاراتىن تابىسى دا كوپ ەمەس. بىلمەستىكپەن بىردەڭە جاسىرعان شىعار، كەي كەزدە قازاقتىڭ پەندەشىلىككە سالىنىپ، اقىرى بەرىپ جاتقاسىن، الا سالايىق، مىنانى كورسەتپەيىك دەيتىنى دە بار. بىراق ول ادامنىڭ تابىسى كوپ ەمەس. سوندىقتان ونى قازىر قيناپ، قايتارۋدى تالاپ ەتپەيمىز»، – دەدى.
تاعى ءبىر جايت، ەگەر 6 ايعا اتاۋلى الەۋمەتتىك كومەكتى الاتىن ازامات ءتورتىنشى-بەسىنشى ايىندا جۇمىسقا ورنالاسىپ، تابىسى كوبەيىپ جاتسا جانە ول تابىس اتاۋلى الەۋمەتتىك كومەكتى الۋ قۇقىعىن جوياتىن بولسا، ونىڭ تولەمدەرى تەك سول تابىس پايدا بولعان كۇننەن توقتاتىلادى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟