2019 جىلدىڭ 29-30 قاراشا كۇندەرى قر ۇلتتىق اكادەميالىق كىتاپحاناسى قر مادەنيەت جانە سپورت مينيسترلىگىنىڭ جانە نۇر-سۇلتان قالاسى اكىمدىگىنىڭ قولداۋىمەن قازاقستاننىڭ حالىق جازۋشىسى، مەملەكەت جانە قوعام قايراتكەرى ءابىش كەكىلبايۇلىنىڭ 80 جىلدىق مەرەيتويىنا وراي «ءابىش الەمى» تاقىرىبىندا وقۋ كونگرەسىن وتكىزەدى.

وقۋ كونگرەسىنىڭ ماقساتى – اسا قۇندى الەۋمەتتىك فۋنكتسيالارعا حالىقتى عىلىمي، شىعارماشىلىق جانە مادەني قوعامعا نازارىن اۋدارۋ.سونداي-اق، ءا.كەكىلبايۇلىنىڭ ادەبيەتى مەن شىعارماشىلىعىن، قازاق ادەبيەتىنىڭ قۇندىلىقتارىن حالىقارالىق عىلىمي-ءبىلىم بەرۋ جۇيەسىندە ناسيحاتتاۋ جانە كوپشىلىككە تاراتۋ. ءار ءتۇرلى تاقىرىپتا جازىلعان جازۋشىنىڭ شىعارمالارىن جاڭا وقۋعا ىنتالاندىرۋ، جان-جاقتى تالداپ، ونىڭ سان قىرلى تالانتىن ءتۇسىندىرۋ، جازۋشىنىڭ ەسىمىن الەمدىك قاۋىمداستىققا تانىمال ەتۋ.

ءىس-شارا بارىسىندا جازۋشىنىڭ فوتوسۋرەتتەرىنەن كورمەلەر، كەكىلباەۆتار وتباسىمەن ادەبي كەزدەسۋ، جازۋشىنىڭ «ۇيقىداعى ارۋدىڭ ويانۋى» كىتابىنىڭ جەلىسى بويىنشا تۇسىرىلىگەن دەرەكتى فيلم مەن ماڭعىستاۋ وبلىسى، فورت-شەۆچەنكو قالاسى، تۇپقاراعان جانە شەتپە اۋىلدارىنىڭ ادامدار مەن قوعام اراسىنداعى وقيعالار، ماحاببات، دوستىق جانە وتباسى قۇندىلىقتارى جايىنداعى «شىڭىراۋ» ءفيلمى، سونداي-اق، ءابىش كەكىلبايۇلىنىڭ 20 تومدىق كىتاپارىنىڭ تۇساۋكەسەرى وتەدى.

«ءبىر ەل - ءبىر كىتاپ» رەسپۋبليكالىق اكتسياسىنىڭ قازىلار القاسىنىڭ شەشىمىمەن 2019 جىلى قازاقستانداعى جالپى وقۋعا ارنالعان كىتاپتاردان قازاقستاننىڭ حالىق جازۋشىسى ءابىش كەكىلبايۇلىنىڭ «اڭىزدىڭ اقىرى» شىعارماسى تاڭداپ الىندى.

كونگرەستىڭ ەكىنشى كۇنىندە ل.ن.گۋميلەۆ اتىنداعى ەۋرازيالىق ۇلتتىق ۋنيۆەرسيتەتىندە ورنالاسقان جازۋشىنىڭ كابينەتىمەن تانىسۋ، ۇلتتىق پاتەونعا بارۋ جانە مادەني وشاقتارعا ەكسكۋرسيا جاسالىپ، شىعارماشىلىق زيالى قاۋىم وكىلدەرىنىڭ قازاقستان كىتاپحاناشىلارىمەن كەزدەسۋى مەن مارپاتتاۋ ءراسىمى وتەدى. سونداي-اق، فاريزا وڭعارسىنوۆا اتىنداعى مەدياتسەنتردىڭ اشىلۋى وتەدى.

ىسشاراعا زيالى قاۋىم وكىلدەرى مەن مەملەكەت جانە قوعام قايراتكەرلەرى، سونداي-اق، رەسپۋبليكا وڭىرىنەن كەلگەن كىتاپحاناشىلار قاتىسادى.

“The Qazaq Times”