NASA اۋانىڭ لاستانۋىنا قارسى كۇرەس ماقساتىندا ارنايى ەلەكترلى ۇشاق جاساپ شىعاردى. بۇل تۋرالى Reuters اگەنتتىگى حابارلادى.

ۇيىم تاراتقان رەسمي حابارلامادا: «اقش ۇلتتىق اەروناۆتيكا جانە عارىش باسقارماسى (NASA) كاليفورنيادا 2015 جىلدان بەرى جاساپ كەلە جاتقان X-57 Maxwell ۇشاعىن كورسەتتى»، — دەلىنگەن.

مالىمەتتەر بويىنشا، ح-57 ۇشاعى 4 ورىندىق ۇشاققا نەگىزدەلگەن جانە ءار قاناتىندا 7 قوزعاعىش بار ەكەندىگى ايتىلعان. ولار ليتي-يوندىق باتارەيالارىمەن جۇمىس جاسايتىن ەلەكتر قوزعالتقىشتارىمەن باسقارىلادى.

وسى اپتادا NASA كاليفورنيادا 2015 جىلدان بەرى قۇراستىرىپ كەلە جاتقان X-57 Maxwell ۇشاعىن كورسەتتى. اۆياتسيا سالاسى كليماتتىڭ وزگەرۋىنە قارسى تۇرۋ ءۇشىن اۆياتسيالىق كومىرقىشقىل گازىنىڭ شىعارىلۋىن ازايتپاق.

"The Qazaq Times"