ۋكراينا ناتو-عا مۇشە بولۋى مۇمكىن. مۇنداي مالىمدەمەنى ناتو باس حاتشىسى ستولتەنبەرگ ۋكراينانىڭ «1+1» تەلەارناسىنا بەرگەن سۇحباتىندا ورتاعا سالعان.

باس حاتشى يەنس ستولتەنبەرگ ۋكراينانىڭ قاۋىپسىزدىك ۇيىمىنا مۇشە بولۋ ىقتيمالدىعىن جان-جاقتىلى قاراستىرا كەلىپ: «بىرنەشە ايدان كەيىن سولتۇستىك ماكەدونيا ناتو-عا مۇشە بولادى. وسىدان بۇرىن پولشانىڭ نەمەسە بالتىق جاعالاۋى ەلدەرىنىڭ ناتو-عا مۇشە بولاتىنىن ەشكىم ەلەستەتە المايتىن. ۋكراينانىڭ دا ۇيىمعا مۇشە بولۋىنا ابدەن بولادى»، – دەگەن.

ونىڭ ايتۋىنشا ناتو مۇشەلەرى ۋكراينانىڭ وداقتاس بولۋىنا تولىقتاي كەلىسىم بەرگەن. تەك ۋكراينا قاجەتتى رەفورمالار جاساۋى كەرەك. ناتو باس حاتشىسى، سونداي-اق، ۋكراينانىڭ رەفورمالاردى جۇزەگە اسىرىپ، قوعامدىق مودەرنيزاتسيالاۋىنا ناتو تارابى قولداۋ كورسەتەتىنىن جەتكىزگەن.

ارينە، ناتو تارابى ۋكراينانىڭ ۇيىمعا مۇشە بولۋىن قولداپ كەلەدى. بىراق، ۋكراينا ناتو-عا مۇشە بولۋمەن بىرگە رەسەيدىڭ كۇشتى قىسىمىنا تاپ بولۋدان الاڭدايدى.

“The Qazaq Times”