ايگۇل ورىنبەك: ...بيلىك ەلباسىنىڭ قولىندا. توقاەۆتىڭ دا شاماسى جەتپەيدى!

بەلگىلى قوعام بەلسەندىسى، قۇقىق قورعاۋشى ايگۇل ورىنبەك ءوزىنىڭ facebook-تەگى جەكە پاراقشاسىنا تۇركىستان شاھارىنىڭ تۋعان كۇنىنە پرەزيدەنت توقاەۆتىڭ نەلىكتەن شاقىرىلماعانى تۋرالى وي قوزعاپ، پىكىرىن جاريالادى.

«ءبىز دە ەكى بيلىك جوق»، – دەپ ەدىڭىز، بەرىك ءۋالي?

تۇركىستان قالاسىنىڭ تۋعان كۇنىنە ەلباسى مەن بۇكىل مينيسترلەر كەلىپتى. ال پرەزيدەنت قاسىمجومارت توقاەۆ جوق!
سوندا تۇركىستاننىڭ تۋعان كۇنىنە پرەزيدەنت توقاەۆتى جانە كەڭەسكە مۇشە بولىپ كىرگەن بىزدەردى شاقىرىلماسىن دەگەن بۇيرىقتى كىم بەردى ەكەن؟
بۇرىن ەشقانداي توي جيىننان قالماي شاقىرالاتىن ەدىم، بۇل جولى كەڭەسكە كىرگەنىم كەدەرگى بولدى ما؟ بىزدە ادەت ەمەس پە، بىرەۋدىڭ ءبىر نارسەسىنە كىرسەڭ، كومانداسى دەپ قوسىپ قوياتىن! تويى قۇرسىن باستى پروبلەما ارىس حالقىنىڭ جىرى عوي. ايتەۋىر تۇركىستاننىڭ تۋعان كۇنى تويلانىپ كەتىپتى. تۋعان كۇن قالاي وتكەنىن قايدام، بىراق ەلباسىنىڭ الدىندا ەسەپ بەرىپ جۇگىرىپ جۇرگەن شوكەەۆ ەلدىڭ ءبىرىنشى باسشى ءدال قازىر توقاەۆ ەكەنىن ۇمىتىپ كەتكەن سياقتى ما؟
سونىمەن توقاەۆ تۇركىستاننىڭ تۋعان كۇنىنە نە ءۇشىن كەلمەدى!؟ ارۋجان سايندى قابىلداۋ ءۇشىن كەلە الماي قالدى دەۋ ەندى ورىنسىز!
«ارىس قالاسىن قاتىرىپ قويدىق» – ءبارى كەرەمەت دەپ ەسەپ بەرىپ، ارىسقا پرەسس تۋر جاساپتى. مەنى گيد قىلىپ شاقىرۋ كەرەك ەدى. جاقسىلاپ تۇرىپ ارت اشۋ تۋرىن جاساپ بەرەر ەدىم. ا ايتپاقشى ءبىزدىڭ ەلدە پرەزيدەنت بار ما ءوزى؟ ارىس قالاسىنا قاشان كەلەدى؟ ەلباسىنىڭ كورمەي كەتكەن جەرلەرىن كورسەتەيىن!
الدە پرەزيدەنت توقاەۆ، شوككەۆتەن قورقادى ما؟ ارىستى مىڭ جىرلاساڭ دا ماسەلەسى شەشىلمەيدى! سەبەبى ءبىز دە جەمقورلىققا تولعان جۇيە وزگەرگەن جوق! بيلىك ەلباسىنىڭ قولىندا! ماعان قايتا-قايتا جازىپ كومەك سۇراۋدىڭ قاجەتى جوق، ارىستىقتار! توقاەۆتىڭ دا شاماسى جەتپەيدى!

ايگۇل ورىنبەكتىڭ facebook جازباسىنىڭ سكرينشوت-قيىندىسى. فوتو: facebook پاراقشاسىنان

"The Qazaq Times"