كەشە گرۋزياداعى بىرقاتار مەملەكەتتىك تەلەكانالدار مەن ۇكىمەتتىك ەمەس ۇيىمداردىڭ سايتتارى حاكەرلىك شابۋىلعا ۇشىراعانى تۋرالى حابار تاراعان. ال بۇگىن كورشىلەس قىرعىز ەلىندە دە وسىعان ۇقساس جاعدايدىڭ بولعانى بەلگىلى بولدى.

حابارعا قاراعاندا قىرعىزستانداعى تانىمال ينتەرنەت باسىلىم kloop.kg سايتى حاكەرلىك شابۋىلعا ۇشىراعان. اتالعان قىرعىزستاندىق سايتقا حاكەرلىك شابۋىلدىڭ جاسالعانىن سايتقا تەحنيكالىق كومەك كورسەتۋشى كومپانيا مالىمدەگەن. ينتەرنەت باسىلىمىنىڭ رەداكتورى ە. سۇلتانمۇراتتىڭ ايتۋىنشا حاكەرلىك شابۋىلدان كەيىن سايتى ءالى قالپىنا كەلىپ بولماعان. ايتا كەتۋ كەرەك، اتالعان سايت قىرعىزستاندا بەلسەندى وپپوزيتسيالىق سايتتاردىڭ ءبىرى. جاقىندا عانا بىشكەكتەگى داۋلى جەر تەلىمدەرى تۋرالى قۇندى مالىمەتتەر تاراتقان.

كەشە گرۋزيانىڭ مەملەكەتتىك تەلەارنالارىنا حاكەرلىك شابۋىل جاسالعانى تۋرالى حابار تاراعان. حاكەرلەر بىرقاتار سايتتارعا ەلدىڭ بۇرىنعى پرەزيدەنتى سااكاشۆيليدىڭ سۋرەتى قويىلىپ، «مەن قايتىپ كەلەمىن» دەگەن ءماتىن جازىلعان ەكەن. ەلدەگى "بي-بي-سي" تىلشىلەرى حاكەرلىك شابۋىل رەسەي تارابىنان كەلگەن بولۋى مۇمكىن دەپ بولجاعان.

“The Qazaq Times”