تۇركيا مەن اقش ءسۇريانىڭ سولتۇستىگىندەگى اسكەري وپەراتسيانى توقتاتۋعا كەلىستى. بۇل جونىندە انكارادا وتكەن كەزدەسۋدىڭ قورىتىندىسى بويىنشا ءباسپاسوز ءماسليحاتى كەزىندە تۇركيا پرەزيدەنتى رەجەپ ەردوعان مەن اقش ۆيتسە-پرەزيدەنتى مايكل پەنس مالىمدەدى. بۇل تۋرالى سentralasian جازدى.
اسكەري وپەراتسيا 120 كۇنگە توقتايدى. وسى ارالىقتا كۇرد جاساعى سوعىس الاڭىن تاستاپ شىعۋى ءتيىس. سوسىن بارىپ انكارا وپەراتسيانى اياقتاي الادى.
پەنستىڭ سوزىنشە، ۆاشينگتون انكاراعا جاڭا سانكتسيالار سالۋعا نيەتتى ەمەس.
"تۇركيادان جاقسى جاڭالىق!.. ميلليونداردىڭ ءومىرى ساقتالادى", - دەپ جازدى اقش پرەزيدەنتى دونالد ترامپ تۆيتتەر پاراقشاسىنا.
پەنس پەن ەردوعاننىڭ كەزدەسۋى ەكى جارىم ساعاتقا سوزىلدى. باستاپقىدا تۇركيا پرەزيدەنتى اقش وكىلىمەن كەزدەسۋدەن باس تارتقان. كەيىن رايىنان قايتتى. ول امەريكا سالعان سانكتسيالاردان قورىقپايتىنىن دا جەتكىزگەن.
تۇركيا 9 قازاندا ءسۇريانىڭ سولتۇستىگىنە اسكەري وپەراتسيا باستاعان. انكارا كۇردتەردىڭ قارۋلى اسكەرىن تەرروريستەر دەپ ەسەپتەيدى. ۆاشينگتون كەرىسىنشە "يسلام مەملەكەتى" تەرروريستىك ۇيىمىمەن كۇرەستە كۇردتەرمەن وداقتاس بولدى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى