تۇركيا اسكەرى ءسۇريا تەرريتورياسىنا ىشكەرىلەي كىرە تۇسپەك. فوتو: AFR.

تۇركيا ءسۇريانىڭ سولتۇستىك-شىعىسىندا اسكەري وپەراتسيالارىن باستاۋ الدىندا تۇر. بۇل تۋرالى جەكسەنبى كۇنى امەريكا قۇراما شتاتتارى تاراپىنان رەسمي مالىمدەمە جاسالدى. مالىمدەمە الدىندا اقش پەن تۇركيا پرەزيدەنتى تەلەفون ارقىلى سويلەسكەن.

اقش وسىدان بۇرىن تۇركيا اسكەري وپەراتسيا جاساعالى وتىرعان ايماقتان ءوز اسكەرىن شىعارىپ كەتكەن بولاتىن. مالىمدەمەدە: «تۇركيا كوپتەن بەرى ايتىپ كەلگەن ءسۇريانىڭ سولتۇستىك-شىعىسىنداعى اسكەري وپەراتسيالارىن باستايدى. اقش ارمياسى اسكەري ارەكەتتەرگە كيلىكپەيدى جانە ەشقانداي كومەك كورسەتپەيدى. قۇراما شتاتتار ءوز اسكەرلەرىن وڭىردەگى «يسلام مەملەكەتى» تەررورلىق توبىنىڭ لاڭكەستەرى جويىلعاننان كەيىن ايماقتان شىعارىپ كەتكەن»، – دەلىنگەن. الايدا، اقش تارابى تۇركيا اسكەرلەرى جاعىنان قولعا تۇسكەن اتالمىش تەررورلىق توپ لاڭكەستەرىنە جاۋاپتى بولماق.

سوڭعى جىلدارى تۇركيانىڭ سۇرياداعى اسكەري وپەراتسيالارى ناتيجەسىندە «يسلام مەملەكەتى» تەررورلىق توبىنىڭ لاڭكەستەرىنىڭ سانى كوبەيدى. قولعا تۇسكەن لاڭكەستەردى ەلدەرىنە قايتارۋ قيىندىقتارعا ۇشىرادى. سەبەبى، فرانتسيا، بريتانيا، گەرمانيا جانە باسقا دا ەۋروپا ەلدەرى وزدەرىنىڭ لاڭكەستىك توپقا مۇشە بولعان ازاماتتارىن كەرى قايتارۋعا ماقۇلدىق بەرمەي كەلدى. اقش-تىڭ ولارعا جاۋاپكەرشىلىك ەتەمىز دەۋى دە اسا ماڭىزدى.

ايتا كەتۋ كەرەك، بۇل رەتتە ورتالىق ازيا ەلدەرى بەلسەندىلىك تانىتتى. قازاقستان باستاعان (ارنايى «جۋسان» وپەراتسياسى سەكىلدى) ۇردىسپەن، وزبەكستان، تاجىكستان وزدەرىنىڭ جۇزدەگەن، ونداعان ازاماتتارىن ەلىنە قايتاردى. سوڭعى كەزدەرى قىرعىزستان دا وسىنداي قادامعا تالپىنىس جاساپ جاتىر.

“The Qazaq Times”