اقش پەن سولتۇستىك كورەيا يادرولىق كەلىسسوزدەردى قايتا باستاماق. بۇل تۋرالى سولتۇستىك كورەيانىڭ سىرتقى ىستەر مينيسترلىگى مالىمدەگەن. مالىمدەمەدە، 5 قازاننان تارتىپ، اقش-كحدر اراسىندا كەلىسسوزدىڭ جاڭا راۋندى باستالادى.

كەلىسسوزدەردىڭ جالعاسۋى تۋرالى مالىمەتتى اقش مەملەكەتتىك دەپارتامەنتى دە راستاعان. الايدا، تاراپتار كەلىسسوزدىڭ وتەتىن ورنى تۋرالى مالىمەت بەرۋدەن باس تارتقان. 5 قازاندا تاراپتار سولتۇستىك كورەيانىڭ يادرولىق قارۋسىزدانۋ ماسەلەسى بويىنشا نەگىزگى ۇستانىمدار مەن تالاپتاردى ۇيلەستىرۋ ماسەلەلەرىن تالقىلاماق.

ايتا كەتەيىك، اقش پرەزيدەنت ترامپ ءوز وكىلەتتىلىگى تۇسىندا سولتۇستىك كورەيامەن ديالوگتى بارىنشا دامىتقانى راس. ترامپ پەن كيم اراسىندا سينگاپۋردا جانە ۆەتنامدا ەكى مارتە كەزدەسۋ ءوتتى. وسىعان قاراماستان تاراپتار يادرولىق قارۋدان باس تارتۋ جانە ەكونوميكالىق دامۋدى قولداۋ تاقىرىپتارىندا پىكىر بىرلىگىنە كەلە المادى. ماۋسىمداعى كەزدەسۋدەن كەيىن سولتۇستىك كورەيا اقش-پەن كەلىسسوزدى توقتاتىپ، زىمىران سىناقتارىن جالعاستىرعان بولاتىن.

“The Qazaq Times”