فوتو: https://i.rmbl.ws

Nissan Motor جاپون كومپانياسىنىڭ باسشىسى حيروتو سايكاۆا وتستاۆكاعا كەتتى، دەپ حابارلايدى كيودو اگەنتتىگى.

مالىمەتتەر بويىنشا، سايكاۆانىڭ ورنىنان كەتۋى كومپانيانىڭ كىرىسىن ۇلعايتۋ جانە فرانتسۋزدىق Renault-پەن قارىم-قاتىناستى تەڭەستىرۋ قاجەتتىلىگىنە بايلانىستى.

قازىرگى ۋاقىتتا سايكاۆانىڭ مىندەتتەرىن  Nissan جانە Renault ديرەكتورلار كەڭەسىنىڭ مۇشەسى، باسقارۋشى ياسۋحيرو ياماۋتي ۋاقىتشا اتقارادى. ال كورپوراتسيا باسشىسى لاۋازىمىنا مۇراگەر وسى جىلى قازاندا تاعايىندالادى.

بىلتىر اتالعان كومپانيادا ەكونوميكالىق ماسەلەلەر تۋىنداعان. جاپونيانىڭ تانىمال اۆتوكولىك ءوندىرۋشى «نيسسان» (Nissan Motor Co.، 7201.TO, NSANY) كومپانياسى ىشكى ەسەپتەرىن جاريالاپ، ءوندىرىستىڭ توقتاۋىنا جانە ەل ءىشى ساتىلىمىنىڭ بۇزىلۋىنا اكەلىپ سوققان داۋلى جاعداي ساپالى ينسپەكتورلاردىڭ جەتىسپەۋىنەن كەلىپ شىققانىن، بۇنداي ماسەلەنىڭ باسشىلىق ساپىندا بۇدان بۇرىن بولماعانىن جەتكىزدى.

"The Qazaq Times"