Nissan Motor жапон компаниясының басшысы Хирото Сайкава отставкаға кетті, деп хабарлайды Киодо агенттігі.

Мәліметтер бойынша, Сайкаваның орнынан кетуі компанияның кірісін ұлғайту және француздық Renault-пен қарым-қатынасты теңестіру қажеттілігіне байланысты.

Қазіргі уақытта Саикаваның міндеттерін  Nissan және Renault директорлар кеңесінің мүшесі, басқарушы Ясухиро Ямаути уақытша атқарады. Ал корпорация басшысы лауазымына мұрагер осы жылы қазанда тағайындалады.

Былтыр аталған компанияда экономикалық мәселелер туындаған. Жапонияның танымал автокөлік өндіруші «Ниссан» (Nissan Motor Co., 7201.TO, NSANY) компаниясы ішкі есептерін жариялап, өндірістің тоқтауына және ел іші сатылымының бұзылуына әкеліп соққан даулы жағдай сапалы инспекторлардың жетіспеуінен келіп шыққанын, бұндай мәселенің басшылық сапында бұдан бұрын болмағанын жеткізді.

"The Qazaq Times"