جاڭا 2017 وقۋ جىلىنىڭ ءۇش ايى ىشىندە قازاقستاننىڭ قارۋلى كۇشتەرىندە دەسانتتىق-شابۋىلداۋ اسكەرلەرىنىڭ اسكەري قىزمەتشىلەرى پاراشيۋتپەن 1 مىڭ 500-دەن اسا سەكىرۋدى جۇزەگە اسىردى. سەكىرۋلەر س-295 اسكەري-كولىكتىك ۇشاقتارىنان د-6 پاراشيۋتتىك جۇيەسىمەن، سونداي-اق، مي-17 تىكۇشاقتارىنان ورىندالدى دەپ حابارلايدى قورعانىس مينيسترلىگىنەن.
سەكىرۋلەردىڭ الدىندا مۇقيات جەرۇستى دايىندىق جاسالعان. ول بويىنشا، دەسانتشىلار ءپاراشيۋتتى جيناۋ ادىستەرىن پىسىقتاپ، وقۋ پوليگونىنىڭ بازاسىندا ۇشاقتار مەن تىكۇشاقتاردىڭ نوبايلارىنان سەكىردى. پاراشيۋتتىك دايىندىقتا ءاربىر اسكەري قىزمەتشى پاراشيۋتتىك جۇيەنىڭ جۇمىس جاساۋ قاعيداتىن جەتىك ءتۇسىنۋى ماڭىزدى. پسيحولوگيالىق ازىرلىك تە باستى نازاردا. پاراشيۋتتىك سەكىرۋلەر الدىندا جەكە قۇرام رۇقسات قاعازى رەتىندەگى پسيحولوگيالىق تەستىلەۋدەن وتەدى. پاراشيۋتپەن سەكىرۋ قازاقستان قارۋلى كۇشتەرى دەسانتتىق-شابۋىلداۋ اسكەرلەرى اسكەري قىزمەتشىلەرىنىڭ جاۋىنگەرلىك دايارلىعىنىڭ نەگىزى ەكەنى ءمالىم. ول جاۋىنگەرلىك دايارلىق جوسپارىنا سايكەس ۇيىمداستىرىلىپ، وتكىزىلەدى.
قازاق دەسانتتارى پاراشيۋتپەن سەكىرۋدە. فوتو: mod.gov.kz
«The Qazaq Times»
«قازاقستان اسكەرى رەسەي شەكاراسىن قورعاۋعا بارا ما؟»: قورعانىس ءمينيسترى جاۋاپ بەردى
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
ۋكراينا داعدارىسىنىڭ كۇشەيۋىنە بايلانىستى رەسەي – موڭگوليا - قىتاي مۇددەلىك قاتىناستارى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى