فوتو: Ahn Young-joon

سولتسۇتىك كورەيا جاپون تەڭىزىنە قاراي بەلگىسىز ەكى زىمىران ۇشىردى.

Yonhap اگەنتتىگىنىڭ اقپاراتىنا سايكەس، زىمىراندار كحدر باتىسىندا ورنالاسقان پيوڭياڭ-نامدو پروۆينتسياسىنىڭ اۋماعىنان شىعىس باعىتتا ۇشىرىلعان. سناريادتاردىڭ ءتۇرى جانە ولاردىڭ ۇشۋ قاشىقتىعى تۋرالى رەسمي مالىمەتتەر جاريالانعان جوق. قازىرگى ۋاقىتتا وڭتۇستىك كورەيا بىرىككەن كوميتەتىنىڭ وكىلدەرى كحدر-ءدىڭ كەلەسى قادامىن قاداعالايتىنىن جەتكىزدى.

بىلتىر قاراشادا اقش سولتۇستىك كورەيادان جاسىرىن زىمىران بازالارىن تاپقان. سول ۋاقىتتا ون ءۇش بالليستيكالىق زىمىران بازالارىنىڭ تاۋلى ايماقتاردا ورنالاسقاندىعى بەلگىلى بولىپ، ولاردى ىسكە قوساتىن قوندىرعىلار انىقتالماعان.

ايتا كەتەيىك، كحدر وسىعان دەيىن مامىر، شىلدە جانە تامىزدا سىناق جۇرگىزىپ، جاپون تەڭىزىنە قاراي بىرنەشە مارتە زىمىران ۇشىرعان بولاتىن. رەسمي پيوڭياڭ بۇل سىناقتاردى امەريكا مەن وڭتۇستىك كورەيا اراسىنداعى بىرلەسكەن جاتتىعۋعا قارسىلىق ەسەبىندە جۇرگىزىپ وتىرعانىن مالىمدەگەن.

"The Qazaq Times"