يران ەرتەڭنەن باستاپ كەلىسىمدەگى مىندەتىن ازايتۋدىڭ ءۇشىنشى قادامىن جاساماق. بۇنداي مالىمدەمەنى يران پرەزيدەنتى حاسان رۋحاني ءۇش بيلىك وكىلدەرىنىڭ باسقوسۋىندا مالىمدەدى.

«يران 2015 جىلعى كەلىسىمدەگى مىندەتتەرىن ازايتۋعا جاسايتىن ءۇشىنشى قادامىن جۇما كۇنى، ياعني 6 قىركۇيەك جۇزەگە اسىراتىن بولادى. ول ءۇشىن ەلىمىزدىڭ اتوم ەنەرگياسى ۇيىمى يرانعا يادرولىق تەحنولوگيالاردى زەرتتەۋ مەن دامىتۋعا قاجەتتى بارلىق مىندەتتەرىن اتقارۋى كەرەك»، – دەدى رۋحاني ءوز سوزىندە

يران پرەزيدەنتى سونداي-اق، ير قادامدارى اتوم ەنەرگياسى حالىقارالىق ۇيىمنىڭ ەرەجەلەرىنە ساي جاسالاتىنىن، ءۇشىنشى قادام ارقىلى ەۋروپا ەلدەرىنە ەسكەرتۋ جاساپ، تاعى دا 60 كۇندىك مۇرسات بەرگەنىن ايتتى. ول جانە: «ەگەر ەۋروپا ەلدەرى وزدەرىنىڭ كەلىسىمدەگى مىندەتتەرىن تولىق اتقارسا، وندا يران دا ءوزىنىڭ كەلىسىمدەگى مىندەتىنە قايتىپ ورالادى»، – دەدى.

پرەزيدەنت حاسان رۋحانيدىڭ ايتۋىنشا قۇراما شتاتتار 16 ايدان بەرى يراننىڭ بيلىگىن قۇلاتۋعا، ول جۇزەگە اسپاعان جاعدايدا جۇيەسىن السىرەتۋدى ماقسات ەتىپ كەلەدى. بۇدان تىس اقش يرانعا سانكتسيا ارقىلى قىسىم جاساپ، كەلىسسوزگە كوندىرۋگە تىرىسقانىن العا تارتتى.

 “The Qazaq Times”