Иран президенті Хасан Рухани. Фото: Новости Таджикистана и Центральной Азии.

Иран ертеңнен бастап келісімдегі міндетін азайтудың үшінші қадамын жасамақ. Бұндай мәлімдемені Иран президенті Хасан Рухани үш билік өкілдерінің басқосуында мәлімдеді.

«Иран 2015 жылғы келісімдегі міндеттерін азайтуға жасайтын үшінші қадамын жұма күні, яғни 6 қыркүйек жүзеге асыратын болады. Ол үшін еліміздің Атом энергиясы ұйымы Иранға ядролық технологияларды зерттеу мен дамытуға қажетті барлық міндеттерін атқаруы керек», – деді Рухани өз сөзінде

Иран президенті сондай-ақ, ИИР қадамдары Атом энергиясы халықаралық ұйымның ережелеріне сай жасалатынын, үшінші қадам арқылы Еуропа елдеріне ескерту жасап, тағы да 60 күндік мұрсат бергенін айтты. Ол және: «Егер Еуропа елдері өздерінің келісімдегі міндеттерін толық атқарса, онда Иран да өзінің келісімдегі міндетіне қайтып оралады», – деді.

Президент Хасан Руханидың айтуынша Құрама Штаттар 16 айдан бері Иранның билігін құлатуға, ол жүзеге аспаған жағдайда жүйесін әлсіретуді мақсат етіп келеді. Бұдан тыс АҚШ Иранға санкция арқылы қысым жасап, келіссөзге көндіруге тырысқанын алға тартты.

 “The Qazaq Times”