يران ەاەو-عا كىرۋگە مۇددەلى. فوتو: IRNA.

يراننىڭ ەنەرگەتيكا ءمينيسترى ەۋرازيا ەكونوميكالىق وداعى كوميسسيا توراعاسىمەن كەزدەسىپ، ير-نىڭ اتالعان وداققا مۇشە بولۋ جوسپارى تۋرالى كەڭەسكەن.

كەزدەسۋدە يران ەنەرگەتيكا ءمينيسترى رەزا ارداكانيان ەاەو كوميسسياسى توراعاسى ساركيسياندى تەھرانعا ساپارلاي بارۋعا شاقىرعان. ول يران مەن ەاەو اراسىنداعى ەركىن ساۋدانى قامتاماسىز ەتۋ، ساۋدا قاتىناستارىن ۇيلەستىرۋ ءۇشىن جوعارى دەڭگەيدەگى الماسۋلار جاساۋعا شاقىرعان.

كوميسسيا توراعاسى مەن يران ءمينيسترى كەزدەستى. فوتو: يرنا.

يراننىڭ اتالعان ۇيىمعا كىرۋىنىڭ ۇيىمعا مۇشە ەلدەرگە جاقسى جانە جامان اسەرلەرى دە بار.  تيىمدى جاقتارىنان تەرىپ ايتقاندا، يران ورتالىق ازيا ەلدەرى ءۇشىن تەڭىزگە شىعاتىن ەڭ توتە جول. ورتاق ەكونوميكالىق وداقتا بولۋى ورتا ازياداعى ۇيىمعا مۇشە ەلدەر ءۇشىن بەلگىلى پايدا الىپ كەلۋى مۇمكىن. الايدا، باتىستىڭ سانكتسيا قىسىمىنداعى يران وزىمەن ساۋدا بايلانىسىنداعى ەلدەردى دە سانكتسيا شىرماۋىنا باتىرادى.

يران بۇدان تىس قازاقستان تۇراقتى مۇشەسى بولىپ كەلە جاتقان شانحاي ىنتىماقتاستىق ۇيىمىنا دا مۇشە بولۋعا تالپىنىپ كەلە جاتىر.

 “The Qazaq Times”