قازاقستاندىق پوليتسيا وكىلى جول بويىندا قىزمەت بارىسىندا. فوتو: اشىق دەرەككوز

3 جىلعا جۋىق (2017 جىلدىڭ 1 قاڭتارىنان) تاياقسىز قالعان قازاقستاندىق پوليتسەيلەرگە جول قوزعالىسىن رەتتەۋگە قايتادان الاتاياق (قىزمەتتىك تاياق) ۇستاۋعا رۇقسات بەرىلدى.

ءىىم حابارلاماسىنا سايكەس، الاتاياق «تەك جول قوزعالىسىن رەتتەۋ ءۇشىن، اسىرەسە تاۋلىكتىڭ قاراڭعى ۋاقىتىندا جانە ناشار كورىنۋ جاعدايىندا»، سونداي-اق جول-كولىك وقيعالارى جانە جولداردا كەپتەلىس پايدا بولعاندا، ونىڭ ىشىندە باعدارشامدار جاساماي قالعاندا، كولىك قۇرالدارىنىڭ ۇيىمداسقان كولوننالارىن الىپ جۇرۋگە، تەرروريزمگە قارسى وپەراتسيانى جانە (نەمەسە) كۇزەت ءىس-شارالارىن وتكىزۋ كەزىندە كولىك قۇرالدارىن باعىتتاۋ ءۇشىن قولدانىلادى.
جول ءجۇرىسىن رەتتەۋ سارى ءتۇستى كەۋدەشەلەر كيىپ، ارناۋلى جارىق شاعىلىستىرعىش قولعاپتارمەن الاتاياقتى پايدالانا وتىرىپ، ىسقىرىقپەن بەلگى بەرۋ بويىنشا جۇزەگە اسىرىلۋى كەرەك.

بىراق پوليتسيا قىزمەتكەرى كولىك قۇرالدارىن الاتاياقپەن بەلگى بەرىپ توقتاتۋىنا بولمايدى، ونىڭ ورنىنا كولىكتى توقتاتۋعا اۆتوپاترۋلدەۋ رەجيمى جەتكىلىكتى. ايتا كەتەرلىگى، بۇرىنعىلارى قويمادا ساقتالعاندىقتان، الاتاياقتاردى «قولدانۋعا كوشۋ ءۇشىن بيۋدجەتتەن قارجى تالاپ ەتىلمەيدى».

"The Qazaq Times"