ترامپ مەركەلدىڭ ۇسىنىسىن قابىلدادى

اقش پرەزيدەنتى دونالد ترامپ گەرمانيا كانتسلەرى انگەلا مەركەلدىڭ ۇسىنىسىمەن جاقىن ارادا گفر-گە ىسساپارمەن باراتىنىن مالىمدەدى.

سول سەبەپتى ترامپتىڭ پولشاعا جوسپارلانعان ساپارى كەيىنگە قالدىرىلعان. اق ءۇي باسشىسى جۋرناليستەرگە سۇحباتىندا: «پولشاعا كەيىن باراتىن بولدىم. اقش پەن پولشانىڭ قارىم-قاتىناسى وتە جاقسى. جاقىندا انگەلا مەركەل گەرمانياعا شاقىردى. الداعى كۇندەرى ساپار ۋاقىتى بەلگىلى بولادى»، – دەدى.

دونالد ترامپ 1-2 قىركۇيەك ارالىعىندا پولشاعا ماڭىزدى ىسساپارمەن بارۋى ءتيىس ەدى. مالىمەتتەر بويىنشا، 1 قىركۇيەكتە ترامپ ەكىنشى دۇنيەجۇزىلىك سوعىستىڭ باستالعانىنا 80 جىل تولۋىنا بايلانىستى وتەتىن شاراعا قاتىسۋى كەرەك بولعان. ال 2 قىركۇيەكتە پولشا باسشىلارىمەن قاۋىپسىزدىك، ەكونوميكا جانە ەنەرگەتيكا سالاسىندا كەلىسسوزدەر جوسپارلانعان. وسىعان دەيىن قۇراما شتاتتارعا داۋىلدى ەسكەرتۋدەن كەيىن دە ترامپ ءوزىنىڭ پولشاعا ساپارىن ۋاقىتشا توقتاتقان.

"The Qazaq Times"