قر اۋىلشارۋاشىلىق مينيسترلىگى. فوتو: قر اشم.

تامىز ايىنىڭ 27-29 كۇندەرى ارالىعىندا ساۋد ارابياسىنىڭ جيددا (دجيددا) قالاسىندا يسلامدىق ازىق-تۇلىك قاۋىپسىزدىگى ۇيىمنىڭ وتىرىسى وتپەك. قازاقستان اتالعان وتىرىستا يسلام ەلدەرىنىڭ ازىق-تۇلىك سالاسىنا ينۆەستيتسيا سالۋ تۋرالى ءوز ۇسىنىسىن ورتاعا قويماق. بۇنداي مالىمدەمەنى اۋىلشارۋاشىلىق ءمينيسترىنىڭ ورىنباسارى گۇلميرا يساەۆا حانىم جاسادى. 

گۇلميرا يساەۆانىڭ ايتۋىندا جيددا وتىرىسى كەزىندە قازاقستان بىرنەشە ورتاق قور قۇرۋ تۋرالى ۇسىنىس تاستاماق. بۇل قورلاردىڭ قاتارىندا يسلام ەلدەرى ىنتىماقتاستىق ۇيىمىنىڭ ازىق- تۇلىك قاۋىپسىزدىگىن قامتاماسىز ەتۋ ماقساتىنداعى ازىق-تۇلىكتى ساقتاۋ جانە قورعاۋ تۋرالى قور بولماق. اۋىل شارۋاشىلىق ءمينيسترى ورىنباسارىنىڭ ايتۋىنشا، قازاقستان ءوزى ۇسىنىس ەتكەن قوردى جىلىنا 1 نەمەسە 1,5 توننا استىق جانە ۇنمەن قامتاماسىز ەتە الادى.

تامىز ايىنىڭ سوڭىنداعى يسلام ەلدەرى ۇيىمىنا مۇشە ەلدەر اراسىنداعى ازىق-تۇلىك قاۋىپسىزدىگى جونىندەگى وتىرىسى يسلامدىق ازىق-تۇلىك قاۋىپسىزدىگىن باستى تاقىرىپ ەتپەك. بۇل يسلام ەلدەرىنىڭ ازىق-تۇلىك سالاسىندا ءوزارا ىنتىماقتاستىق جاساۋىنا ءتيىمدى وراي بولادى دەيدى قر اۋل شارۋاشىلىق مينيسترلىگى. قازاقستان بۇل جينالىس كەزىندە جالپى قۇنى 500 ملن دوللاردان اساتىن ينۆەستيتسيالاق قور قۇرۋ تۋرالى ۇسىنىستى ورتاعا سالادى.

“The Qazaq Times”