گونكونگ داعدارىسى كۇردەلى كەزەڭگە ءوتتى. فوتو: REUTERS.

گونكونگ داعدارىسىندا "اقپاراتتىق سوعىستىڭ" دا بەلەڭ العانى تۋرالى حابارلار تارالۋدا. Twitter "گونكونگتاعى جاعدايدى ۋشىقتىرۋعا باعىتتالعان" دەگەن ايىپپەن مىڭعا جۋىق اككاۋنتتى جاۋىپ تاستادى. "تۆيتتەر" سونداي-اق، نەشە جۇزدەگەن اككاۋنتقا شەكتەۋ قويىپ، رەسمي باق-تىڭ جارناماسىن جاسادى دەپ سىنعا الدى. الەۋمەتتىك جەلىنى باسقارۋشى تاراپ بۇل اككاۋنتتار قىتاي بيلىگىمەن جاسىرىن بايلانىسى بار دەپ قارايدى. 

"تۆيتتەردىڭ" مالىمدەۋىنشە، بۇل اككاۋنتتار سوڭعى كۇندەرى گونكونگتاعى ەرەۋىلشىلەرگە قارسى بەلسەندى اقپاراتتىق شابۋىلعا وتكەن. Twitter مالىمدەمەسىندە: "بۇل اككاۋنتتار گونكونگتاعى ساياسي جانجالدى كۇشەيتىپ، نارازىلىق ەرەۋىلدەرىنىڭ زاڭدىلىعىنا كۇماندى كۇشەيتۋگە باعىتتالعان. بۇل ۇكىمەت جاعىنان قولداۋ كورسەتىلگەن، ماقساتتى وپەراتسياعا ۇقساس ەكەنىنە ءبىزدىڭ دالەلدەرىمىز بار", –دەلىنگەن. 

قىتايدىڭ قۇرلىقتىق تەرريتورياسىندا Twitter, Facebook قاتارلى الەۋمەتتىك جەلىلەرگە تىيىم سالىنعان. ال، بۇل الەۋمەتتىك جەلىلەردىڭ قىتايلىق بالامالارى بار. سوعان قاراماستان كوپتەگەن ادامدار VPN ارقىلى اتالعان شەتەلدىك الەۋمەتتىك جەلىلەردى پايدالانادى.

قىتاي بيلىگىنە قارسى نارازىلىق بىلدىرگەن الەۋمەتتىك جەلى "تۆيتتەر" عانا ەمەس. بۇدان بۇرىن "تەلەگرام" دا ءوزىنىڭ IP دەرەكتەرىنە شابۋلى جاسالعانىن مالىمدەگەن ەدى. Bloomberg تاراتقان مالىمەتكە قاراعاندا، "تەلەگرام" وسى  جاز ايلارىندا گونكونگتا ەڭ كوپ جازىپ الىنعان (تۇسىرىلگەن) الەۋمەتتىك جەلى بولعان. ونى قىتاي بيلىگى تولىعىمەن شەكتەگەن. الايدا، قولدانۋشىلار VPN كومەگىمەن پايدالانىپ كەلەدى.

ال، قازىر اتالعان الەۋمەتتىك جەلىلەر قىتاي بيلىگى شىن جانە جالعان اككاۋنتتار ارقىلى گونكونگتاعى ساياسي جاعدايعا ارالاسىپ وتىر دەپ ايىپتاۋدا. جۇزدەگەن اككاۋنت الەۋمەتتىك جەلىدە نارازىلىق شەرۋلەرىن ايىپتاپ تولاسسىز مالىمدەمەلەر جاساۋى ارينە گونكونگتاعى قوعامدىق پىكىردىڭ ەكىگە جارىلۋىن، ونىڭ سوڭى ساياسي جاعدايدىڭ ءتىپتى دە قيىنداي تۇسۋىنە اپارىپ سوعۋى بەك مۇمكىن.

“The Qazaq Times”