قىتاي  اۋعانستانعا ميلليون دوللار كومەك كورسەتتى

شينحۋا اگەنتتىگى (Xinhua.net.com) 9 ناۋرىزدا  بۇۇ-نىڭ قيىندىقتا قالعان بۇقاراعا كومەك كورسەتۋ كوميتەتى اۋعانستاننىڭ استاناسى كابۋلدە قىتايدىڭ اۋعان تۇرعىندارىنا كومەككە اتاعان ءبىر ميلليون اقش دوللارىن قابىلدادى دەپ حابارلايدى. 
سول كۇنى اتالمىش ۇيىمنىڭ قىزمەتكەرلەرى اپات بولعان ايماقتارداعى 330 دان استام وتباسىنا بارىپ،  گۋمانيتارلىق كومەك جەتكىزدى. قابىلداۋ راسىمىندە قىتايدىڭ اۋعانستانداعى باس ەلشىسى تاۋ جيڭ،  اۋعانستاننىڭ توتەنشە جاعدايلار بويىنشا ءمينيسترى سەيت بارسي جانە بۇۇ-نىڭ اۋعانستاندا تۇراتىن جاۋاپتى قىزمەتكەرى فاسيا ابدۋللا جانە تاعى باسقا تۇلعالار بولدى. ولار كەزەكپەن ءسوز الىپ، قازىرگى تاڭدا اۋعانىستاندا بولىپ جاتقان سوعىس جانە تابيعي اپاتتاردان زارداپ شەككەن  تۇرعىنداردىڭ جاعدايىمەن تانىستى. جانە كۇللى دۇنيە تاپ بولىپ وتىرعان ويلاماعان اۋىر دارەجەدەگى قيىندىقتاردىڭ كەزىندە بەيبىت تۇرعىندارعا جاردەمدەسۋدىڭ ماڭىزدىلىعىن اتادى. سونداي-اق،  قىتايدىڭ قايىرىمدىلىق شاراسىن القادى.
اۋعانستاننىڭ جەرگىلىكتى اقپارات قۇرالدارىنىڭ حابارلاۋىنشا،  وتكەن جىلعى قىستان بەرى اپاتتى اۋا رايى سالدارىنان 239 ادام قايتىس بولىپ،  214 ادام جارالانعان. 520 دان استام ءۇي قيراعان بولاتىن. بۇۇ مالىمدەمە جاريالاپ،  ۇزدىكسىز جالعاسقان سوعىستان  قيىندىققا تاپ بولعان بۇقارا ءۇي-كۇيسىز بوسقىن كۇي كەشتى. قازىردىڭ وزىندە بۇل ەلدە 9 ميلليون ادام قايىرىمدىلىق كومەككە مۇقتاج دەپ اتاپ كورسەتكەن.

ادىلەت احمەتۇلى

“The Qazaq Times”