قازاقستاننىڭ كوپ جەرىندە تۇمان، كوكتايعاق، كۇشتى جەل سوعادى

قازاقستاننىڭ باسىم اۋماعىندا قالىپسىز اۋارايى ساقتالادى. اتموسفەراداعى سۋىق اۋا اعىستارىنىڭ وتۋىنە بايلانىستى جاۋىن-شاشىن بولماق. اسىرەسە، وڭتۇستىك، وڭتۇستىك شىعىستىڭ تاۋلى بولىكتەرىندە اۋارايى وزگەرىسى قۇبىلمالى دەپ حابارلايدى «قازگيدرومەت» ءباسپاسوز قىزمەتى.

جامبىل وبلىسىندا قارلى بۇرقاسىن مەن كۇشتى جەل، كوكتايعاق بولادى. جەل – 15-20, قارقىنى - 30 م/س.
وڭتۇستىك قازاقستان وبلىسىندا دا تۇمان، كوكتايعاق. جەلدىڭ كۇشى – 15-20. تاڭەرتەڭ جانە كەشتە - 25 م/س.

ماڭعىستاۋ، اتىراۋ، باتىس قازاقستان وبلىستارىندا دا وسىنداي جايسىز اۋا رايى ساقتالماق.

قىزىولوردادا، تۇمان، كوكتايعاق، بولسا، الماتى وبلىسىندا جەل كۇشەيە تۇسەدى.

اقمولا وبلىسىندا قارلى بۇرقاسىن بولادى. جەلدىڭ كۇشى - 15-20 م/س. تاڭەرتەڭ جانە كەشتە تۇمان تۇسەدى.

قوستاناي وبلىسىندا دا باسەڭ قارلى بوراسىن سوعادى. تۇمان تۇسەدى،  جەلدىڭ كۇشى - 15-20 م/س.

سولتۇستىك قازاقستان مەن پاۆلودار وبلىستارىندا دا جاياۋ بوراسىن، تۇمان كۇتىلۋدە. جەلدىڭ قارقىنى - 15-20 م/س.

قاراعاندى وبلىسىندا دا وسىنداي اۋارايى ءجۇز بەرەدى. وعان قوسا كوكتايعاق بولادى. جەل كۇشى ۇقساس.

ال، شىعىس قازاقستان وبلىسىندا جەل ادەتتەگىسىنەن كۇشەيە تۇسپەك،15-20 م/س. جاياۋ بۇرقاسىن بولۋمەن بىرگە، جارما اۋدانى ماڭىندا جەلدىڭ قارقىنى سەكۋندىنا 25 مەترگە دەيىن جەتپەك.

«The Qazaq Times»