رەسەي كۇش كورسەتىپ سويلەۋگە ەشكىمگە جول بەرمەيدى.

رەسەي سىرتقى ىستەر ءمينيسترىنىڭ ورىنباسارى سەرگەي ريابكوۆ «الىس جانە قىسقا قاشىقتىقتاعى زىمىران كەلىسىمىنە» قاتىستى مالىمدەمە جاسادى.

«قىسىم، قوقانلوقى، كۇش كورسەتۋ بىزبەن كەلىسىمگە كەلەتىن ءتاسىل ەمەس. ءبىز ەشكىمگە بىزبەن بۇلاي سويلەسۋگە جول بەرمەيمىز. ماسكەۋ ناتو-نىڭ «ەۋروپا اۋماعىندا يادرولىق زىمىراندار ورنالاستىرماۋ» تۋرالى مالىمدەمەسىن قابىلدامايدى. سەبەبى اليانس بۇعان دەيىن ءوزى قابىلداعان شەشىمدەرىن بىرنەشە مارتە بۇزدى. جاڭادان قالىپتاسقان جاعدايدا بۇنداي ۋادەلەردى قابىلداۋدىڭ قاجەتى جوق» - دەدى ريابكوۆ تاسس اقپارات اگەنتتىگىنە بەرگەن سۇحباتىندا.

بۇعان دەيىن ناتو باسشىسى يەنس ستولەنبەرگ «اليانس الىس جانە قىسقا قاشىقتىقتاعى زىمىران كەلىسىمىنسىز اق» بەيبىت قارىم-قاتىناس ورناتۋعا دايىن. ناتو-نىڭ ەۋروپا اۋماعىندا جاڭا يادرولىق زىمىران كەشەندەرىن ورنالاستىرۋ جوسپارىندا جوق» - دەپ مالىمدەگەن.

تامىز ايىنىڭ 2-ءى كۇنى رەسەي، اقش جانە ناتو ەلدەرى اراسىنداعى زىمىران كەلىسىمى ءوز كۇشىن جويدى.

"The Qazaq Times"