كورنەكى سۋرەت. فوتو: https://www.news.tj

نۇر-سۇلتاندا ءحىىى ءسۇريا ماسەلەسى بويىنشا كەلىسسوزدەر باستالدى.

جابىق ەسىك جاعدايىندا وتكىزىلىپ جاتقان كەلىسسوزگە تۇركيا، رەسەي، يران انە ءسۇريا وكىلدەرى قاتىسۋدا. باقىلاۋشى توپ قاتارىندا بۇۇ، يوردانيا، يراك جانە ليۆان دەلەگاتسيا بار.

بۇگىن ەكىجاقتى جانە كوپجاقتى كەڭەستەر بولادى. كەشكىسىن رەسەي پرەزيدەنتىنىڭ ءسۇريا بويىنشا ارنايى وكىلى الەكساندر لاۆرەنتەۆ بۇقارالىق اقپارات قۇرالدارى وكىلدەرىنە سۇحبات بەرمەك. نەگىزگى پلەنارلىق وتىرىس ەرتەڭگە جوسپارلانعان.

2011 جىلى ءسۇريادا قارۋلى قاقتىعىس باستالعالى بەرى استانادا ءسۇريا ماسەلەسىن رەتتەۋ جونىندەگى كەلىسسوز جەتى مارتە ۇيىمداستىرىلدى. نۇر-سۇلتان كەلىسسوزىنە قولداۋ كورسەتۋشى ەلدەردىڭ ارقاسىندا، سۇرياداعى قاقتىعىس ۋاقىتشا توقتاتىلدى. رەسەي، يران جانە تۇركيا اتالعان ماسەلە جونىندەگى كەلىسىمشارتتى ورىنداۋشى كەپىلگەر-ەلدەر سانالادى.

2017 جىلى قاڭتار، اقپان، ناۋرىز، مامىر ايلارىندا ءسۇريا داعدارىسىنا بايلانىستى ءتورت رەت كەزدەسۋ ءوتتى. ناتيجەسىندە كەلىسسوزگە قاتىسۋشى تاراپتار ءسۇريا جەرىندە قاۋىپسىز اۋماقتار قۇرۋعا بايلانىستى ماملەگە كەلگەن.

"The Qazaq Times"