فوتو: ۆۆس

وڭتۇستىك كورەيا رەسەيدى اۋە كەڭىستىگىن بۇزدى دەپ ايىپتادى.

رەنحاپ اگەنتتىگىنىڭ مالىمەتىنشە، رەسەيلىك ۇشاق ەكى مارتە جاپون تەڭىزى ارقىلى ۇشىپ، اۋە كەڭىستىگى ەرەجەلەرىن ورەسكەل بۇزعان. وڭتۇستىك كورەيا جاۋىنگەرلەرى ەسكەرتۋ رەتىندە وق اتقانمەن، ۇشاق كەرى قايتپاعان.

وقيعا كورەي تۇبەگىنىڭ وڭتۇستىك بولىگىنەن شىعىسقا قاراي ورنالاسقان توكتو (تاكەسيما) ارالدارىندا ورىن الدى. اتالعان ارال سەۋل مەن توكيو اراسىنداعى داۋلى ايماق سانالادى.

ەلدىڭ قورعانىس مينيسترلىگى تاراتقان حابارلامادا رەسەيدىڭ العاش رەت اۋە ەرەجەسىن بۇزعانى ايتىلادى. ال ماسكەۋ اتالعان وقيعاعا قاتىستى رەسمي تۇسىنىكتەمە بەرگەن جوق.

"The Qazaq Times"