Оңтүстік Корея Ресейді әуе кеңістігін бұзды деп айыптады.

Ренхап агенттігінің мәліметінше, ресейлік ұшақ екі мәрте Жапон теңізі арқылы ұшып, әуе кеңістігі ережелерін өрескел бұзған. Оңтүстік Корея жауынгерлері ескерту ретінде оқ атқанмен, ұшақ кері қайтпаған.

Оқиға Корей түбегінің оңтүстік бөлігінен шығысқа қарай орналасқан Токто (Такэсима) аралдарында орын алды. Аталған арал Сеул мен Токио арасындағы даулы аймақ саналады.

Елдің Қорғаныс министрлігі таратқан хабарламада Ресейдің алғаш рет әуе ережесін бұзғаны айтылады. Ал Мәскеу аталған оқиғаға қатысты ресми түсініктеме берген жоқ.

"The Qazaq Times"