قۇس جولى گالاكتيكاسىنداعى ەڭ ءىرى اسپان دەنەسى انىقتالدى

عالىمدار Hubble عارىش تەلەسكوپى ارقىلى  گالاكتيكاداعى ەڭ ءىرى جۇلدىزدىڭ سۋرەتىن ءتۇسىردى. 

عالىمدار Hubble اتتى عارىش تەلەسكوپى  ارقىلى قۇس جولى گالاكتيكاسىنداعى ەڭ ءىرى جۇلدىزدىڭ سۋرەتىن ءتۇسىردى. عالىمداردىڭ پايىمداۋىنشا، بۇل جۇلدىزدىڭ راديۋسى كۇن جۇيەسىنىڭ تسەنترىنەن باستاپ   يۋپيتەردىڭ وربيتاسىنا دەيىنگى قاشىقتىقتى الىپ جاتىر دەپ حابارلايدى Sci-News.

Westerlund 1-26 جۇلدىزىنىڭ كولەمى كۇننەن 1,5 مىڭ ەسە ۇلكەن جانە 330 مىڭ ەسە جارىق. گالاكتيكاداعى ەڭ جارىق جۇلدىز بەن جەردىڭ اراقاشىقتىعى 16 مىڭ جارىق جىلىنا تەڭ.

Westerlund 1-26 جۇلدىزى بىرنەشە مىڭ جاس جۇلدىزداردىڭ شوعىرلانۋىنان پايدا بولعان Westerlund 1 ايماعىندا ورنالاسقان. ولاردىڭ جاس شاماسى 4-5 ميلليون جىل بولۋى مۇمكىن.

بۇل جۇلدىزدار شوعىرىندا بىرنەشە ءىرى سارى گيپەرالىپ جانە قىزىل اسا ۇلكەن الىپ جۇلدىز بەن باسقا دا كۇننەن ونداعان ەسە ۇلكەن اسپان دەنەلەرى بار.

عالىمدار بۇل جۇلدىزدار شوعىرىنداعى اسپان دەنەلەرىءنىڭ جاس مولشەرى باسقالارىنا قاراعاندا ەداۋىر از بولعانىنا قاراماستان، ەرتە سونگەندەرى دە كوپ دەپ وتىر. بۇل جاعىداي جۇلدىزداردىڭ كولەمى ۇلكەن بولعان سايىن، جاس مولشەرى دە ازايا بەرەتىندىگىن  كورسەتىپ وتىر.

"The Qazaq Times"