U.S. President Donald Trump meets with British Prime Minister Theresa May in the White House Oval Office in Washington, U.S.، January 27, 2017. REUTERS/Kevin Lamarque - RTSXP7L

اقش پەن بريتانيا اراسىنداعى ۇلتتىق قاۋىپسىزدىك پەن ورتاق مۇددەلەردى قورعاۋ جونىندە ىنتىماقتاستىقتى تەرەڭدەتپەك. بۇل تۋرالى اقش پرەزيدەنتى دونالد ترامپ پەن بريتانيا پرەمەر-ءمينيسترى قىزمەتىن اتقارۋشى تەرەزا مەي تەلەفوندا سويلەسكەن.

ەكى ەل باسشىلارىنىڭ سويلەسۋى كەزىندە، سۇرياعا قارسى سانكتسيالار قايتا پىسىقتالىپ، سولتۇستىك كورەيانىڭ يادرولىق قارۋسىزدانۋى جانە يراننىڭ يادرولىق قارۋعا يە بولۋىنىڭ الدىن الۋ تاقىرىپتارى تالقىلانعان. اقش پەن بريتانيا ەكى ەل اراسىنداعى «ايرىقشا قارىم-قاتىناس» نەگىزىندە بۇل ماسەلەلەرگە ورتاق ۇستانىم تابۋعا كۇش سالاتىنىن جەتكىزگەن.

ەستەرىڭىزگە سالا كەتەيىك، وسىدان بۇرىن گيبرالتار جاعالاۋىندا بريتانيا تەڭىز كۇشتەرى يراندىق مۇناي تانكەرىن ۇستاعان بولاتىن. يران كەمەسىنە سۇرياعا قارسى سانكتسيانى بۇزباق بولدى دەگەن ايىپ تاعىلعان. تەھران بيلىگى بۇل ارەكەتتىڭ «تەڭىز قاراقشىلىعى» دەپ باعالاعان جانە بريتانيانىڭ ارەكەتى اقش-تىڭ تاپسىرماسىمەن بولدى دەپ ايىپتاعان.

“The Qazaq Times”