الماتى قالاسىندا پوليتسيا ورتالىق ستاديون مەن بالۋان شولاق اتىنداعى سپورت كەشەنى ماڭىندا جينالعان جۇرتشىلىقتى جانە جۇرگىنشىلەردى ۇستاۋدا.

الماتىداعى اباي داڭعىلى مەن بايتۇرسىنوۆ كوشەسىنىڭ قيىلىسى ماڭىندا پوليتسيا قىزمەتكەرلەرى سول ماڭعا توپتاسقان ادامداردى جانە جۇرگىنشىلەردى ۇستاپ، پوليتسيا كولىكتەرىنە وتىرعىزىپ جاتىر.

 

تىلشىلەرىمىزدىڭ حابارلاۋىنشا، قازىرگە دەيىن پوليتسيا شامامەن 20-دان استام ادامدى ۇستاعان.  پوليتسيا قىزمەتكەرلەرى ازاماتتاردىڭ جەكە قۇجاتتارىنىڭ تولىق بولۋىنا قاراماستان ارنايى كولىكتەرگە كۇشتەپ وتىرعىزعان.

سول ماڭدا توپتاسقان جۇرگىنشىلەر پوليتسيانىڭ بۇل ارەكەتىنە نارازىلىقتارىن ءبىلدىرىپ، ازاماتتاردى ۇستاۋدى توقتاتۋىن تالاپ ەتىپ جاتقانى بايقالادى. 

ايتا كەتەيىك، بۇدان بۇرىن قازاقستاندا تيىم سالىنعان «قدت» قوزعالىسىنىڭ جەتەكشىسى 6 شىلدە كۇنى ازاماتتاردى نارازىلىق شاراسىن وتكىزۋگە شاقىرعان بولاتىن. جينالعان توپتىڭ اراسىندا "كدت" قوزعالىسىنىڭ ۇرانىن كوتەرگەن ازاماتتار دا بار. 

 الماتى كوشەلەرىندەگى جاعداي. فوتولار: QT.

“The Qazaq Times”