يران يسلام رەسپۋبليكاسىنىڭ ەڭ جوعارى جەتەكشىسى اياتوللا حومەيني  اقش-پەن كەلىسسوز جۇرگىزۋدىڭ مۇمكىن ەمەس ەكەنىن تاعى دا قايتالادى. حومەيني سارسەنبى كۇنى جاساعان مالىمدەمەسىندە اقش-تىڭ كەلىسسوزگە ۇسىنىس ەتۋىن الدامشىلىق ارەكەت رەتىندە باعالاعان.

يراننىڭ رۋحاني كوسەمى اقش-تىڭ يراندى قايتالاي كەلىسىمگە كەلۋگە شاقىرۋى بەلگىلى دارەجەدە يراننىڭ كۇش-قۋاتىن مويىنداۋى جانە يراننىڭ جالعاستى كۇشەيۋىنە دەگەن الاڭداۋى دەپ سانايدى. ول سوزىندە: "اقش-پەن كەلىسسوزگە كەلۋ دەگەنىمىز يراننىڭ قارۋسىزدانىپ، يران حالقىنىڭ كۇش-قۋاتىنان ايرىلۋى", – دەگەن.

ساياسات ارەناسىندا دا ەموتسيانى كوبىرەك پايدالاناتىن يران لاۋازىمدىلارى، ترامپتىڭ سانكتسيالارىن "ەكونوميكالىق تەرروريزم" رەتىندە باعالاپ كەلەدى. اياتوللا حومەيني كەزەكتى مالىمدەمەسىندە اقش-تى "قاقتىعىس، جانجال تۋدىرۋشى جانە الەم ەلدەرىنىڭ بايلىعىن توناۋشى جيىركەنىشتى ۇكىمەت" دەپ كورسەتكەن. ءارى، يەمەندەگى سوعىسقا بايلانىستى دا اقش-تى ايىپتاعان.

بىرنەشە ايدان بەرى كۇشەيە تۇسكەن اقش پەن يران اراسىنداعى قايشىلىق، وتكەن اپتادان بەرى ءتىپتى دە ۋشىعا ءتۇستى. يران قارۋلى كۇشتەرى امەريكالىق ۇشقىشسىز ۇشۋ قۇرىلعىسىن اتىپ تۇسىرگەننەن كەيىن،  ترامپ ۇكىمەتى يرانعا جاڭا سانكتسيا ەنگىزدى. قازىر تاراپتار كەلىسسوز مۇمكىندىگىنەن بارعان سايىن الىستاپ، قارۋلى شابۋىلدار تۋرالى ءجيى ايتىلا باستادى. بۇل جاعداي ايماقتاعى جانە الەم ەلدەرىن سوعىس قاۋپىنە بايلانىستى الاڭداتىپ وتىر.

“The Qazaq Times”