سۋدان بيلگىنىكۇشپەن باسىپ العان ارميا وپپوزيتسيانى كەلىسسوزگە شاقىردى

سۋداندا ەل بيلىگىن باقىلاۋىنا العان اسكەري كەڭەس وپپوزيتسيانى كەلىسسوزگە شاقىردى. اسكەري كەڭەستىڭ توراعاسى گەنەرال-لەيتەنانت ابدۋلفەتتاح ءال-بۋرحان مالىمدەمە جاساپ، وپپوزيتسيامەن كەلىسسوز جۇرگىزۋگە دايىن ەكەنىن جەتكىزدى.

بۇعان دەيىن ەل بيلىگىن شەڭگەلىنە ۇستاعان اسكەري كۇشتەر ەلدەگى دەموكراتيالىق قوزعالىستاردى، حالىقتىق ەرەۋىلدەردى كۇشپەن باسىپ كەلگەن. ءبىر كۇن بۇرىن ءال-بۋرحان مالىمدەمە جاساپ ەلدەگى  «ەركىندىك جانە وزگەرىس» توپتارىمەن كەلىسسوز جۇرگىزۋ نيەتىن ءبىلدىردى. ءارى، وپپوزيتسيالىق كۇشتەرمەن كەلىسسوزدى تەز ارادا باستاۋ تۋرالى ۇسىنىس تاستادى.

ەستەرىڭىزگە سالا كەتەيىك، بۇدان ەكى اي بۇرىن سۋداندا اسكەري توڭكەرىس ەل بيلىگىن 30 جىلدان بەرى ۇستاپ كەلە جاتقان. ومەر ءال-ءباشيردىڭ بيلىگىن قۇلاتتى. الايدا، ەل ىشىندە الەۋمەتتىك-ساياسي داعدارىس باستالىپ، بيلىكتى كۇشپەن باسىپ العان اسكەري توپ حالىقتىق نارازىلىق شەرۋلەرىن قارۋلى كۇشپەن باسىپ-جانشىعان بولاتىن. قۇراما شتات پەن ەۋروپا ەلدەرى سۋدان ارمياسىنا قاقتىعىستى توقتاتىپ، وپپوزيتسيامەن ديالوگ جۇرگىزۋدى تالاپ ەتكەن بولاتىن.

“The Qazaq Times”