يادرولىق دەرجاۆالار ءوز ارسەنالدارىن جاڭارتۋدا

يادرولىق دەرجاۆالار ءوز ارسەنالدارىن جاڭارتۋدا.

ستوكگولمنىڭ الەم ماسەلەلەرىن زەرتتەۋ ينستيتۋتىنىڭ (SIPRI) مالىمەتى بويىنشا، سوڭعى ۋاقىتتارى دەرجاۆالار يادرولىق ارسەنالىن مودەرنيزاتسيالاۋدا. SIPRI ساراپشىسى شەننون كايلدىڭ سوزىنشە، اقش ءوزىنىڭ يادرولىق ارسەنالىن بيلىك باسىنا دونالد ترامپ كەلگەلى بەرى جوعارى قارقىنمەن جاڭارتۋدا.

2018 جىلى الەم بويىنشا يادرولىق وقتۇمسىقتار سانى 4 پايىزعا ازايعان. بىراق جاھاندىق يادرولىق ارسەنالدىڭ 90 پايىزىنا يە رەسەي مەن اقش ازىرگە ءوز يەلىگىندەگى قارۋ-جاراق سانىن ازايتپاعان. ولار تەك قازىرگى زاماندا پايدالانۋعا قاجەتى جوق وقتۇمسىقتاردى عانا ىستەن شىعارعان.

SIPRI ەسەبىنشە، 2018 جىلى الەمدە 14 465 يادرولىق قارۋ بولعان. 2019 جىلى بۇل كورسەتكىش 13 865-كە دەيىن قىسقارعان. 1980 جىلدارداعى قىرعي قاباق سوعىس تۇسىندا الەمدە 70 000 يادرولىق قارۋ بولعان.

قازىرگى تاڭدا رەسەيدىڭ يەلىگىندە – 6500, اقش-تا – 6185, فرانتسيادا – 300, قىتايدا – 290, ۇلىبريتانيادا – 200, ءۇندىستاندا – 140, پاكىستاندا – 160, يزرايلدە – 90 يادرولىق وقتۇمسىق بار. بۇدان بولەك، سولتۇستىك كورەيادا شامامەن 10-20 يادرولىق وقتۇمسىق بولۋى مۇمكىن.

"The Qazaq Times"