بىرقاتار ەۋروپالىق جوعارى وقۋ ورىندارىنىڭ وقىتۋشى-پروفەسسورلارى ەۋروپا كوميسسياسىنا اشىق حات جولداپ، ەو-عا مۇشە ەلدەردەن يزرايلگە قارۋ-جاراق ساتۋ جانە ساتىپ الۋ ارەكەتتەرىن توقتاتۋدى تالاپ ەتكەن.

تۇركيالىق «انادولى» جانە يراننىڭ IRNA اقپاراتتىق اگەنتتىكتەرىنىڭ حابارىنا قاراعاندا، اشىق حاتقا ەۋروپا ۋنيۆەرسيتەتتەرىنىڭ وقىتۋشىلارىن مەن زەرتتەۋشىلەرىنەن 150 ادام قول قويعان. ولار ەۋروپا وداعى مۇشە ەلدەردەن يزرايلگە قارۋ-جاراق ساتۋ جانە ساتىپ الۋ ارەكەتىن، بىرلەسكەن زەرتتەۋ جوبالارىن توقتاتۋدى تالاپ ەتكەن.

اشىق حاتتا ءيزرايلدىڭ ادام قۇقىقتارىن اشىق-اشكەرە بۇزىپ وتىرعانىن ايىپتاعان. سونداي-اق، ەۋروپا ازاماتتارىنىڭ زەرتتەۋلەر ءۇشىن سالىق تولەيتىنىن، سوندىقتان ەۋروپا ەلدەرىنىڭ «Horizon Europe» عىلىمي زەرتتەۋ جوباسىنا ءيزرايلدى قاتىستىرماۋ تالابىن قويعان.

«ءيزرايلدىڭ بۇل جوباعا قاتىسۋى ەۋروپالىقتاردىڭ قۇندىلىقتارىنا قايشى كەلەدى»، – دەلىنگەن اشىق حاتتا. دەگەنمەن، ازاماتتاردىڭ قارسىلىعىنا قاراماستان اقش پەن ەۋروپا ەلدەرىنىڭ يزرايل مەن قارىم-قاتىناسى تىعىز ەكەنى بەلگىلى.

“The Qazaq Times”