ترامپ بريتانياداعى مەملەكەتتىك ساپارىن باستادى

اقش پرەزيدەنتى دونالد ترامپ جەكسەنبى كۇنى كەشكى ساعات 20:30 مولشەرىندە مەريلەند شتاتىنان ەۋروپاعا اتتانعان. ول 3 ماۋسىم كۇنىنەن باستاپ بريتانيادا مەملەكەتتىك ساپاردا بولماق.

پرەزيدەنت ترامپ بريتانيانىڭ جەرگىلىكتى ۋاقىتىمەن 3 ماۋسىم كۇنى تاڭەرتەڭ لوندونعا جەتتى. اقش پرەزيدەنتى ۇشاقتان تۇسە سالا جۋرناليستەرمەن كەزدەسۋدەن باس تارقان. اقش پرەزيدەنتىنىڭ بريتانيا ساپارى پاتشايىم ەليزاۆەتا II-ءنىڭ قابىلداۋىمەن باستالدى جانە كەزەكتى ساپارى 4 كۇنگە جالعاسادى دەپ كۇتىلۋدە.

پاتشايىمنىڭ كەزدەسۋىنەن كەيىن ترامپ بريتانيانىڭ پرەمەر-ءمينيسترى تەرەزا مەي حانىممەن ەكى جاقتى كەڭەيتىلگەن كەلىسسوز وتكىزەدى. بۇل كەلىسسوزدەن كەيىن مەي حانىم رەسمي وتستاۆكاعا كەتەدى.

اقش پرەزيدەنتىن بريتانيا ساپارى كەزىندە لوندون مەن وعان جاقىن بىرنەشە قالانىڭ تۇرعىندارى نارازىلىق اكتسياسىمەن قارسى الماق. ولار ترامپتىڭ ميگراتسيا جانە سىرتقى ساياساتتارىنا نارازىلىعىن بىلدىرمەك.

“The Qazaq Times”