Трамп Ағылшын аралындағы сапарын бастады. Фото: BBC.

АҚШ президенті Дональд Трамп жексенбі күні кешкі сағат 20:30 мөлшерінде Мэриленд штатынан Еуропаға аттанған. Ол 3 маусым күнінен бастап Британияда мемлекеттік сапарда болмақ.

Президент Трамп Британияның жергілікті уақытымен 3 маусым күні таңертең Лондонға жетті. АҚШ президенті ұшақтан түсе сала журналистермен кездесуден бас тарқан. АҚШ президентінің Британия сапары патшайым Елизавета II-нің қабылдауымен басталды және кезекті сапары 4 күнге жалғасады деп күтілуде.

Патшайымның кездесуінен кейін Трамп Британияның премьер-министрі Тереза Мэй ханыммен екі жақты кеңейтілген келіссөз өткізеді. Бұл келіссөзден кейін Мэй ханым ресми отставкаға кетеді.

АҚШ президентін Британия сапары кезінде Лондон мен оған жақын бірнеше қаланың тұрғындары наразылық акциясымен қарсы алмақ. Олар Трамптың миграция және сыртқы саясаттарына наразылығын білдірмек.

“The Qazaq Times”