ۆەنەسۋەلا پرەزيدەنتى نيكولاس مادۋرو وپپوزيتسيامەن كەلىسسوزدەر جۇرگىزۋگە دايىن.

نيكولاس مادۋرو ءوزىنىڭ «Twitter» پاراقشاسىنا نورۆەگيا استاناسى وسلو قالاسىندا وتەتىن كەلىسسوزدەر جونىندە مالىمدەمە جاسادى.

«ءبىزدىڭ وسلوعا  باراتىن دەلەگاتسيامىز كەلىسىلگەن كۇن تارتىبىندەگى ماسەلەلەردى تالقىلاۋعا جانە وپپوزيتسيا وكىلدەرىمەن كەلىسسوزدەر جۇرگىزۋگە دايىن » - دەپ جازدى مادۋرو.

ەستەرىڭىزگە سالايىق، كەلەسى اپتادا ۆەنەسۋەلا پرەزيدەنتىنىڭ جاقتاستارى وسلو قالاسىندا وپپوزيتسيا وكىلدەرىمەن كەزدەسەدى. ولار ەلدە بولىپ جاتقان ساياسي داعدارىس پەن مۇددەلەر قاقتىعىسى جونىندە كەلىسسوزدەر جۇرگىزەدى.

قاڭتار ايىنىڭ 23-ءى كۇنى كاراكاستاعى ميتينگ كەزىندە وپپوزيتسيالىق ساياساتكەر حۋان گۋايدو ءوزىن «ۋاقىتشا ۇكىمەت پرەزيدەنتىمىن» دەپ جاريالاعان. وسى ۋاقىتقا دەيىن ونى ۆەنەسۋەلانىڭ ليگيتيمدى پرەزيدەنتى رەتىندە اقش، كانادا جانە بىرقاتار لاتىن امەريكاسى ەلدەرى مويىنداعان. ال مادۋرو بيلىگىن رەسەي مەن قىتاي قولداۋدا.

"The Qazaq Times"