تەرەزا مەي تىعىرىققا تىرەلدى

بريتان پارلامەنتىنىڭ لورتتار پالاتاسى برەكسيتتەن كەيىن ەۋرووداققا كىرگەن ولكەلەردىڭ ازاماتتارى ۇلىبريتانيادا قالا بەرۋ ۇقىعىنا كەپىلدىك بەرۋىن تالاپ ەتتى دەپ حاباردادى بي-بي-ءسيدىڭ قىرعىز قىزمەتى.

قوعامدىق پالاتا تاراپىنان قولداۋ تاپقان برەكسيت بويىنشا زاڭ جوباسىن تالقىلاۋدا، پالاتانىڭ 358 مۇشەسى زاڭعا تۇزەتۋ كىرگىزۋ ءۇشىن داۋىس بەردى.  ال، قوسىمشا پۋنكت بويىنشا، بريتانيا ەو-دان شىققاننان كەيىن وداقتىڭ ازاماتتارى وسى وڭىردە تۇرىپ، جۇمىس ىستەۋگە مۇمكىندىك الۋى كەرەك.

زاڭ جوباسىنا پالاتانىڭ 256 مۇشەسى قارسى شىقتى. ناتيجەسىندە زاڭ جوباسى قوعامدىق پالاتاعا كەرى قايتارىلدى. فوتو: bbc.com

بۇعان دەيىن ۇلىبريتانيا پرەمەرى تەرەزا مەي لورتتاردى زاڭ جوباسىن وزگەرىسسىز قابىلداۋعا شاقىرعان ەدى.

داۋىس بەرۋ الدىندا وكىمەت لورتتاردى زاڭ جوباسىن وزگەرىسسىز قابىلداۋعا كوندىرۋگە ارەكەت قىلعان. زاڭ جوباسىن قابىلداۋ ەكى اپتاعا كەشىكتى.  تەرەزا مەي ەۋرووداقتان شىعۋ پروتسەسىن ناۋزىزدىڭ سوڭىنا دەيىن باستايتىنىن ۋادە ەتكەن.

كۇتىلگەندەي ۇكىمەت بۇل زاڭ جوباسىنىڭ باستاپقى نۇسقاسىن ساقتاپ قالۋعا قوعامدىق پالاتانى كوندىرۋگە ارەكەت قىلىپ جاتىر.

قوعامدىق پالاتا ەۋرووداقتان شىعۋ بويىنشا زاڭ جوباسىن ءۇشىنشى رەت وقۋدى 8 اقپاندا ماقۇلداعان. قۇجاتتى تالقىلاۋ مالىمەتىندە بىرقاتار وزگەرتۋلەردى ۇسىنعانىمەن ناتيجەسىندە وزگەرىسسىز قالتىردى.

بريتان باسىلىمدارى لورتتار پالاتاسىنىڭ شەشىمى تەرەزا مەي ۇكىمەتىنىڭ ەڭ ءىرى جەڭىلىسى بولدى دەپ جازۋدا. فوتو: bbc.com

لورتتار پالاتاسىنا كەلگەندە زاڭ جوباسى تەكسەرۋسىز وتەدى دەگەن سەنىم بولعان. ناۋرىزدىڭ باسىندا وتكەن ەۋرووداق سامميتىنە دەيىن ەكى پالاتانىڭ دا ماقۇلداۋىنان ءوتىپ، بەكىتىلەدى دەپ كۇتىلگەن. سودان كەيىن مەي رەسمي تۇردە ەو-دان شىعۋدى باستاماق.

بريتانيانىڭ جوعارعى سوتى ەۋروپا وداعىنان شىعۋدى ىسكە اسىرۋ ءۇشىن، ۇكىمەت الدىمەن پارلامەنتتىڭ ماقۇلداۋىن الۋى كەرەك دەگەن شەشىم شىعارعان. وسىدان كەيىن زاڭ جوباسى پارلامەنتكە ۇسىنىلعان.

«The Qazaq Times»