مادەنيەت جانە ونەر قىزمەتكەرلەرى كۇنى قارساڭىندا ەل تاريحىندا وسىمەن ەكىنشى رەت مادەنيەت جانە سپورت مينيسترلىگىنىڭ ۇيىمداستىرۋىمەن سارىارقا تورىندە «رۋحاني قازىنا» فەستيۆالى ءوتتى.

ەلوردانىڭ رۋحاني وشاعىنا اينالعان قر ۇلتتىق اكادەميالىق كىتاپحاناسىندا وبلىستىق جانە اۋىل مەن اۋداندىق ۇزدىك كىتاپحانالار مەن كىتاپحاناشىلار بىلىمنەن باسەكەگە ءتۇىسىپ، باق سىنادى.

ءىس-شارا بارىسىندا  ار وڭىردەن كەلگەن قاتىسۋشىلار ءوز جەتىستىكتەرىن باسا ايتىپ، ءوز ءىسىنىڭ ناعىز مايتالمان مامانى ەكەنىن كورسەتتى. ويدا جۇرگەن يدەيالارىن ورتاعا سالىپ، قازاقستانداعى كىتاپتاردى تسيفرلىق تەحنولوگياعا كوشىرۋ جانە سول ارقىلى كىتاپ قۇندىلىعىن كورسەتۋ ماسەلەلەرى جونىندە ءوز جوبالارىن تانىستىردى. ودان بولەك، لاتىن الىپبيىنە كوشۋ، قازىرگى زامانعى جاستاردىڭ كىتاپ وقۋ ىسىنە دەگەن قۇلشىنىستارىن ارتتىرۋ، جالپى العاندا كىتاپقا دەگەن قوعامنىڭ قىزىعىۋشىلىعىن وياتۋ ماسەلەلەرىن كەڭىنەن تالقىلادى.

بۇل شارا مەملەكەتتىك مۋزەيلەر، مەملەكەتتىك كىتاپحانالار اراسىندا وتەتىن رەسپۋبليكالىق «رۋحاني قازىنا-2019» بايقاۋىنىڭ ۇزدىكتەردى انىقتاۋ اياسىندا وتكەن بولاتىن.

مەملەكەتتىك مۋزەيلەر مەن مەملەكەتتىك كىتاپحانالار اراسىندا وتكەن رەسپۋبليكالىق «رۋحاني قازىنا-2019» بايقاۋىنىڭ ناتيجەسى 22 مامىر كۇنى جاريالانىپ، ۇزدىكتەر انىقتالدى. وندا، وبلىستىق جانە اۋىل مەن اۋداندىق ۇزدىك مۋزەيلەر مەن مۋزەي قىزمەتكەرلەرى، وبلىستىق جانە اۋىل مەن اۋداندىق ۇزدىك كىتاپحانالار مەن كىتاپحاناشىلار ماراپاتتالدى.

ايتا كەتسەك، اتالعان شارانىڭ ماقساتى – مادەنيەت سالاسى قىزمەتكەرلەرىنىڭ قىزمەتىندە تاجىريبە الماسۋعا مۇمكىندىك بەرۋ، سونىڭ ىشىندە كىتاپحانا، مۋزەي، مادەني ويىن-ساۋىق سالاسىنداعى قىزمەتكەرلەردىڭ كاسىبي شەبەرلىگىن ارتتىرۋ، قازاقستاندىق پاتريوتيزم مەن ۇلتتىق-مادەني بىرلىكتى دامىتۋ اياسىندا ۇلتتىق مادەنيەتتى ناسيحاتتاۋ، ايماقتىق مادەنيەت ۇيىمدارىنىڭ ءيميدجىن كوتەرۋ، ۇزدىك الەۋمەتتىك-مادەني جانە ءبىلىم بەرۋ تاجىريبەلەرىن ورتاعا سالۋ بولىپ تابىلادى.

"The Qazaq Times"