امەريكا قۇراما شتاتتارىنىڭ پرەزيدەنتى دونالد ترامپ ءوزىنىڭ الەۋمەتتىك جەلىدەگى پاراقشاسىندا مەكسيكانى زاڭسىز ميگرانتتارعا قارسى ارەكەت ەتپەدى دەپ ايىپتادى.

ءوزىنىڭ «تۆيتتەر» پاراقشاسىندا مەكسيكانى اقش-قا كىرەتىن زاڭسىز ميگرانتتارعا قارسى ەشقانداي اركەتكە بارماعانىن ايىپتاعان ترامپ، مەكسيكانىڭ بۇل «جاۋاپسىزدىعىنا» قارسى شارا قولدانۋى دا مۇمكىن ەكەنىن ايتقان. «بۇل ماسەلەدە مەكسيكا دۇرىس ىستەپ وتىرعان جوق. جاقىندا بۇعان جاۋاپ قايتاراتىن بولامىز»، – دەدى.

ەلدىڭ وڭتۇستىك شەكاراسى ارقىلى كىرەتىن زاڭسىز ميگرانتتاردى توقتاتۋ ترامپتىڭ سايلاۋ الدى بەرگەن ۋادەلەرىنىڭ ءبىرى ەدى. ول بۇل باعىتتا بىرقاتار داۋلى شەشىمدەردى قابىلداعان بولاتىن. شەكارادان زاڭسىز وتۋشىلەردى توقتاتۋ ءۇشىن مەكسيكا شەكاراسىنا قورعان تۇرعىزۋ جوباسىن دا كوتەرگەن. الايدا، جوباعا قارجى اۋدارۋ ماسەلەسىندە كونگرەسپەن پىكىر بىرلىگىنە كەلە المادى.

ترامپ سونىمەن قاتار شەكارا قورعانىن تۇرعىزۋعا مەكسيكا تارابىنىڭ دا قارجى اۋدارۋىن، زاڭسىز ميگرانتتارعا قارسى شارالار قابىلداۋىن تالاپ ەتكەن ەدى. الايدا، كورشىلەس ەل بۇعان ماقۇلدىق بەرمەگەن.

“The Qazaq Times”