كورەي تۇبەگىندەگى شيەلەنىستىڭ قايتا كۇشەيۋىنە بايلانىستى، اقش مەملەكەتتىك دەپارتامەنتى وڭتۇستىك كورەياعا 310 ملن اقش دوللارى كولەمىندەگى زىمىران قارۋلارىن ساتۋ تۋرالى جوسپاردى بەكىتتى. بۇل تۋرالى پەنتاگونعا تيەسىلى قورعانىس سالاسىنداعى قاۋىپسىزدىك جونىندەگى اگەنتتىكتىڭ (DSCA) رەسمي سايتى مالىمدەدى.
اتالعان سايتتىڭ مالىمەتىنە قاراعاندا، وڭتۇستىك كورەيا اقش-تان 94 دانا «ستاندارت-2» زىمىران تاسىعىشى مەن 12 توپ زىمىران قوسىمشا بولشەكتەرىن ساتىپ الۋدى تالاپ ەتكەن. اتالعان قارۋ-جاراق قۇنى جيىنى 314 ملن اقش دوللارىن قۇرايدى. پەنتاگون اقش-تىڭ وڭتۇستىك كورەياعا قارۋ-جاراق ساتۋ تۋرالى جوسپارىن 17 مامىر كۇنى جاريا ەتكەن بولاتىن.
«ستاندارت-2» زىمىران تاسىعىشتارى ۇشقىشسىز ۇشۋ قۇرىلعىلارى جانە زىمىران ارقىلى جاسالعان شابۋىلدارعا قارسى پايدالانىلادى. كوبىندە اسكەري فلوتتاردىڭ اۋە شابۋىلىنا قارسى قورعانىسى ءۇشىن ىستەتىلەدى.
اقش پەن سولتۇستىك كورەيا باسشىلارى اراسىندا ۆەتنام استاناسى حانويدا اقپان ايىندا وتكەن ەكىنشى رەتكى كەلىسسوز ءساتسىز اياقتالعاننان كەيىن، كحدر مامىر ايىندا ەكى رەت زىمىران سىناعىن وتكىزدى. بۇل وڭتۇستىك كورەيانىڭ الاڭداۋشىلىعىن تۋعىزدى. ءوز قورعانىس قاۋىپسىزدىگىن ارتتىرۋ ءۇشىن وڭتۇستىك كورەيا اقش-تان جاڭا قارۋ-جاراق ساتىپ الۋ تۋرالى ۇسىنىسىن جاساعان. اقش-تان ساتىپ الاتىن اسكەري تەحنيكالار اراسىندا F-35 جاۋىنگەرلىك ۇشاقتارى دا بار.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى